2020 جىلى قازاقستان رەسپۋبليكاسى ۇكىمەتىنىڭ قاۋلىسىمەن 10 تامىز اباي كۇنى بولىپ بەلگىلەنىپ، ەلىمىز بويىنشا قازاقتىڭ باس اقىنى اباي قۇنانباەۆتىڭ مۇراسى كەڭىنەن ناسيحاتتالعان بولاتىن.

بيىل  قازاقتىڭ جازبا ادەبيەتىنىڭ نەگىزىن قالاعان اباي قۇنانباەۆتىڭ تۋعانىنا 176 جىل تولدى. ەلىمىز بويىنشا ەكىنشى جىل قاتارىنان اتاپ وتىلگەن مەرەكە كۇنى الماتى قالاسى بويىنشا قاجد لا-155/6 تۇزەۋ مەكەمەسىندە دە اقىن ابايعا ارنالعان ونلاين ءىس-شارا ءوتتى.

الماتى قالالىق جاس وتان جاستار قاناتىنىڭ ۇيلەستىرۋشىلەرى جازالى بالالار اراسىندا ZOOM جۇيەسى ارقىلى «بەس نارسەگە اسىق بول» اتتى كونفەرەنتسيا ۇيىمداستىردى. ونلاين باسقوسۋ كەزىندە ۇيلەستىرۋشى بەيبارىس زاريپوۆ بالالار كولونياسىنداعى جاسوسپىرىمدەردى ابايدىڭ ومىربايانىمەن تانىستىرىپ، ونىڭ عيبراتتى سوزدەرىنىڭ ءمان-ماعىناسىن اشاتىن اڭگىمە وتكىزدى.

سونداي-اق ول جازالى بالالاردى اباي ومىرىنەن ءتۇرلى دەرەكتەرگە قانىقتىرىپ، سۇراق-جاۋاپ تاسىلىمەن بالالاردىڭ اباي تۋرالى دۇنيەتانىمدارىن ارتتىردى.

ءوز كەزەگىندە لا-155/6 تۇزەۋ مەكەمەسىندە جازالارىن وتەپ جۇرگەن جاسوسپىرىمدەر ابايدىڭ ولەڭدەرىن جاتقا وقىپ، ءوز ونەرلەرىن ورتاعا سالدى. «اباي كۇنى»  اتتى مەرەكەدە  جاس ءانشى تۇرار دۇيسەكەش اباي قۇنانباەۆتىڭ سوزىنە جازىلعان اندەر ورىنداپ، كەشكە قاتىسۋشىلاردىڭ كوڭىلىنەن شىقتى.

الماتى قالاسى بويىناش قاج دەپارتامەنتى

Abai.kz