امەريكا قۇراما شتاتتارىنىڭ حالىقارالىق دامۋ اگەنتتىگى (USAID) پەن وزبەكستان رەسپۋبليكاسىنىڭ اۋىل شارۋاشىلىعى مينيسترلىگى وزبەكستاندا اۋىل شارۋاشىلىعىن دامىتۋدى قولداۋ ءۇشىن ىنتىماقتاستىقتى كەڭەيتۋگە كەلىستى.

وزبەكستان ميسسياسىنىڭ ديرەكتورى ميكاەلا مەرەديت پەن وزبەكستان رەسپۋبليكاسىنىڭ اۋىل شارۋاشىلىعى ءمينيسترى دجامشيد حودجاەۆ ءوزارا كۇشىنە ەنگەن ءوزارا تۇسىنىستىك تۋرالى مەموراندۋمعا قول قويدى. "مەموراندۋمنىڭ ماقساتى - جاقىندا USAID اگروبيزنەسىن دامىتۋ جوباسى ارقىلى اۋىلشارۋاشىلىعىن دامىتۋعا جاردەمدەسۋدە تاراپتاردىڭ ىنتىماقتاستىعىن نىعايتۋ،" - دەپ حابارلادى تاشكەنتتەگى اقش ەلشىلىگى.

"قۇنى 18,9 ميلليون اقش دوللارىنا باعالاناتىن USAID اگروبيزنەسىن دامىتۋ (ADA) جاڭا جوباسى ءبىزدىڭ بىرلەسكەن باستامالاردى نىعايتۋعا تاماشا مۇمكىندىك بولادى", - دەدى مينيستر.

ءىس-شارا بارىسىندا USAID وزبەكستاننىڭ اۋىلشارۋاشىلىق سەكتورىنداعى ايەلدەرگە قولداۋ كورسەتۋ ءۇشىن قوسىمشا 1 ملن دوللار قارجى بولەتىنىن ايتتى. بۇل قاراجات اۋىلدىق ايەلدەردىڭ اقپاراتتىق تەحنولوگيالار مەن كاسىپكەرلىك سالاسىنداعى بىلىكتىلىگىن ارتتىرۋعا، ولاردىڭ كاسىپ اشۋ جانە جەرگىلىكتى كومپانيالاردا تولىق ۋاقىتتى جۇمىسقا ورنالاسۋ مۇمكىندىكتەرىن كەڭەيتۋگە جۇمسالادى.

2020 جىلدىڭ شىلدەسىندە باستالعان USAID اگروبيزنەسىن دامىتۋ جوباسى-جەمىس-كوكونىس تىزبەگىنە جاڭا تەحنولوگيالار مەن مەنەدجمەنت تاجىريبەسىن ەنگىزۋ ارقىلى وزبەكستاننىڭ اۋىل شارۋاشىلىعىنداعى جەكە سەكتوردى قولداۋعا ارنالعان بەس جىلدىق جوبا.

Abai.kz