قازاقستان ناتو-مەن جاتتىعۋ وتكىزبەيتىن بولدى
بيىلعى جىلدىڭ شىلدە ايىنا جوسپارلانعان "دالا قىرانى" بىتىمگەرشىلىك جاتتىعۋى كوروناۆيرۋستىق جاعدايعا بايلانىستى توقتاتىلدى. بۇل تۋرالى قورعانىس مينيسترلىگى حابارلادى.
"بيىلعى جىلى ەلدەگى قولايسىز سانيتارلىق-ەپيدەميولوگيالىق جاعدايعا بايلانىستى "دالا قىرانى" تاكتيكالىق جانە ارنايى بىتىمگەرشىلىك جاتتىعۋلارى توقتاتىلدى", - دەپ حابارلادى مينيسترلىك وكىلدەرى.
قورعانىس مينيسترلىگى "دالا قىرانىن" 2021 جىلى جۇرگىزۋ جوسپارلانباعانىن اتاپ ءوتتى. جاتتىعۋعا اقش پەن ۇلىبريتانيا جانە وزگە دە ناتو ەلدەرى قاتىسۋى ءتيىس بولاتىن. 2020 جىلى دا جاتتىعۋ ۆيرۋسقا بايلانىستى وتپەي قالعان ەدى.
Abai.kz
