جوعارى وقۋ ورىندارىنا ءتۇسۋ ءۇشىن قۇجاتتاردى قابىلداۋ 28 تامىزعا دەيىن ۇزارتىلدى. بۇل شەشىم قر ءبىلىم جانە عىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم دەپارتامەنتىندە قابىلداندى. 

"بۇل ءبىزدىڭ تالاپكەرلەر ءۇشىن جاقسى جاڭالىق دەپ ويلايمىن. ءبىز مەرزىمدى ۇزارتۋ تۋرالى وتىنىشتەردىڭ سانىن ەسكەردىك. بۇل مۇمكىندىك ءبىلىم گرانتىنىڭ يەگەرلەرىنە دە، اقىلى نەگىزدە وقۋدى جوسپارلاپ جۇرگەندەرگە دە بەرىلەدى", - دەدى ءبىلىم جانە عىلىم ۆيتسە -ءمينيسترى قۋانىش ەرعاليەۆ.

بۇعان دەيىن جوعارى وقۋ ورىندارىنا ءتۇسۋ ءۇشىن قۇجاتتاردى 25 تامىزعا دەيىن تاپسىرۋ قاجەت بولاتىن. مينيسترلىكتە اتاپ وتكەندەي، ءبىلىم گرانتى يەگەرلەرىنىڭ وتىنىشتەرى eGov.kz ەلەكتروندى ۇكىمەت پورتالى ارقىلى قابىلدانادى.

اقىلى نەگىزدە وقۋ ءۇشىن جوعارى وقۋ ورىندارىنىڭ ۆيرتۋالدى قابىلداۋ بولىمىنە حابارلاسۋ قاجەت. ولاردىڭ ءتىزىمى قازاقستان رەسپۋبليكاسى ءبىلىم جانە عىلىم مينيسترلىگى ۇلتتىق تەستىلەۋ ورتالىعىنىڭ سايتىندا ورنالاستىرىلعان.

Abai.kz