تۇركىمەنستاندا جۇقپالى اۋرۋلاردىڭ الدىن الۋ ءۇشىن مەكتەپتەر 1 قازانعا دەيىن توقتاتىلدى، ال ەلدە رەسمي تۇردە COVID-19 جۇقتىرعاندار جوق. بۇقارالىق اقپارات قۇرالدارىنىڭ حابارلاۋىنشا، اشحابادتىڭ بىرقاتار مەكتەپتەرىنىڭ مۇعالىمدەرى، 1 قىركۇيەكتە مەكتەپتەردە تەك ءبىرىنشى سىنىپ وقۋشىلارىنا ارنالعان سالتاناتتى شارا وتكىزگەنىن جازدى. 

مۇعالىمدەر سونىمەن قاتار ءبىلىم بەرۋ ۇيىمدارىنا تەك ءبىرىنشى سىنىپتان التىنشى سىنىپقا دەيىنگى وقۋشىلار شاقىرىلعانىن حابارلادى. ولار وسى اپتانىڭ سوڭىنا دەيىن وقىپ، 1 قازانعا دەيىن دەمالىسقا شىعادى. جەتىنشى-ون ءبىرىنشى سىنىپ وقۋشىلارى وقۋدى 1 قازاننان باستايدى.

ەلدىڭ ورتا ارناۋلى جانە جوعارى وقۋ ورىندارىنىڭ ستۋدەنتتەرى ولارعا وقۋدىڭ باستالعانى تۋرالى كەيىنىرەك حابارلايتىنى ايتىلۋدا.

كوروناۆيرۋستىق ينفەكتسيانىڭ رەسمي جاعدايلارى بولماعانىنا قاراماستان، بىلتىر جازدا تۇركىمەنستاندا ماسكا رەجيمى، قاۋىپسىز قاشىقتىق جانە ساۋدا، قوعامدىق تاماقتانۋ مەن كولىكتىڭ جۇمىسىنا شەكتەۋلەر ەنگىزىلدى. وسى جىلدىڭ ساۋىرىندە كەيبىر شەكتەۋلەر الىنىپ تاستالدى. الايدا كۇزدە ول شەكتەۋلەر قايتا كۇشىنە ەندى.

Abai.kz