الداعى جىلدان باستاپ ىرگەلى زەرتتەۋلەرمەن اينالىساتىن عىلىمي-زەرتتەۋ ينستيتۋتتارىن تىكەلەي قارجىلاندىرۋ جۇمىستارى قولعا الىنادى. بۇل تۋرالى ۇكىمەت وتىرىسىندا بعم اسحات ايماعامبەتوۆ مالىمدەدى.

ءمينيستردىڭ ايتۋىنشا، عىلىمدى دامىتۋ ءۇشىن ەڭ الدىمەن عىلىم تۋرالى زاڭناماعا اعىمداعى جىلدىڭ سوڭىنا دەيىن قاجەتتى وزگەرىستەردى ەنگىزىلەدى.

«بازالىق قارجىلاندىرۋعا جەتەكشى عالىمداردىڭ جالاقىسى ەنگىزىلەدى. ىرگەلى زەرتتەۋلەرمەن اينالىساتىن عىلىمي-زەرتتەۋ ينستيتۋتتارىن تىكەلەي قارجىلاندىرۋ ءۇشىن ارنايى ىرىكتەۋ كريتەريلەرى ازىرلەنىپ، بەكىتىلەدى»، — دەدى ايماعامبەتوۆ. 

سونىمەن قاتار، مينيستر گرانتتىق قارجىلاندىرۋ مەرزىمى ۇلعاياتىنىن ايتتى.

«گرانتتىق قارجىلاندىرۋ مەرزىمىن 3 جىلدان 5 جىلعا دەيىن ۇلعايتۋ جانە ۇلتتىق عىلىمي كەڭەستەردىڭ شەشىمدەرىنە اپەللياتسيا ينستيتۋتىن ەنگىزۋ ماسەلەلەرى شەشىلەتىن بولادى. مينيسترلىك مەملەكەت باسشىسى قويعان مىندەتتەردى ىسكە اسىرۋ ءۇشىن جۇيەلى جانە ساپالى جۇمىس اتقارادى»، — دەدى ءبىلىم ءمينيسترى.

Abai.kz