اۋعانستاننىڭ ۇلتتىق قارسىلاسۋ مايدانى حالىقارالىق قاۋىمداستىققا ەلدەگى گەنوتسيدتى توقتاتۋدى سۇرادى. بۇل تۋرالى ۇيىمنىڭ Twitter-دەگى پاراقشاسىندا حابارلاندى.

"قارسىلىق كۇشتەرىمەن كوپتەگەن قاقتىعىستاردا ۇلكەن شىعىنعا ۇشىراعاننان كەيىن، تاليبان پروۆينتسيا بويىنشا بەيبىت تۇرعىنداردى قىرىپ-جويۋ ناۋقانىنا كىرىستى. توپتىڭ گەنوتسيدپەن شەكتەسەتىن اسكەري قىلمىستارى تۋرالى كوپتەگەن دالەلدەر بار.

ءبىز حالىقارالىق قاۋىمداستىقتى تاليبان مەن ولاردىڭ شەتەلدىك دەمەۋشىلەرىن قورعانسىز بەيبىت تۇرعىندارعا قارسى جاساعان قىلمىستارى ءۇشىن جاۋاپ بەرۋگە شاقىرامىز", - دەلىنگەن قارسىلىق كۇشتەرى تاراتقان مالىمەتتە.

پاندجشەردە بەيبىت تۇرعىندارعا تالىبتەر تاراپىنان قىسىم كورسەتۋ، ءولىترۋ فاكتىلەرى بار دەيدى ولار.

Abai.kz