بەيسەنبى, 28 ناۋرىز 2024
2251 2 پىكىر 8 قىركۇيەك, 2021 ساعات 15:16

تاليبان اۋعانستان ۇكىمەتىنىڭ جاڭا قۇرامىن جاريالادى

اۋعانستاندا بيلىكتى باسىپ العان "تاليبان" راديكال قوزعالىسى جاڭا ءۇكىمەتىنىڭ قۇرامى جاريالاندى. بۇل تۋرالى پءاكىستاندا شىعاتىن Dawn گازەتى حابارلادى.

باسىلىم مالىمەتىنە قاراعاندا، اۋعانستاننىڭ باس جەتەكشىسى بولىپ قوزعالىستىڭ 60 جاستاعى باسشىسى حايباتۋللا احۋندزادا، ۇكىمەت باسشىسىنىڭ مىندەتىن اتقارۋشى بولىپ "تاليبان" باسقارۋ كەڭەسىنىڭ جەتەكشىسى موحامماد حاسان احۋند اتتى مولدا تاعايىندالدى.

بارلاۋ ءمينيسترى بولىپ 12 جىل كۋباداعى امەريكالىق گۋانتانامو تۇرمەسىندە وتىرىپ شىققان ابدۋل حاك ۆاسيك، ءىىم باسشىلىعىنا "حاككاني جەلىسى" توبىنىڭ نەگىزىن قالاۋشىنىڭ ۇلى سيراجۋددين حاككاني، قورعانىس ءمينيسترى بولىپ "تاليبان" قوزعالىسىنىڭ نەگىزىن قالاۋشىنىڭ ۇلى مۋحامماد ياكۋب مۋجداحيد جانە ەكونوميكا ءمينيسترى بولىپ ولكەنىڭ بۇرىنعى سىرتقى ىستەر ءمينيسترى موحامماد حانيف اتمار تاعايىندالعان.

تامىز ايىنىڭ ورتاسىندا "تاليبان" قوزعالىسى كابۋلگە باسىپ كىرگەن. باتىس ەلدەرى تالىپتەردى اۋعانستاننىڭ زاڭدى بيلىگى رەتىندە تانىعان جوق. دۇيسەنبى كۇنى اقش پرەزيدەنتى دجو بايدەن "تاليبان" قوزعالىسى حالىقارالىق دەڭگەيدە تانىلۋ ءۇشىن ۇزاق جولدى ءجۇرىپ ءوتۋى كەرەك ەكەنىن اتاپ وتكەن.

تالىپتەر اۋعانستاندى 1996 جىلدان 2001 جىلعا دەيىن باسقارىپ، ولكەنى يسلام ەميراتى دەپ جاريالاعان. وندا ولاردىڭ ۇكىمەتىن ءۇش ولكە — پاكىستان، ساۋد ارابياسى جانە بىرىككەن اراب امىرلىگى تانىعان.

رەسەي "تاليبان" قوزعالىسىن تەرروريستىك ۇيىم دەپ تانىعانىنا قاراماستان، ولارمەن ارىپتەستىك ورناتۋعا دايىن ەكەنىن ايتىپ كەلەدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530