قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەت) الماتى وبلىسى بويىنشا دەپارتامەنتى 2021 جىلدىڭ 8 ايىندا 87 قىلمىستىق قۇقىق بۇزۋشىلىقتى تىركەدى، ونىڭ ىشىندە 78,2% - دان استامى نەمەسە 68 قىلمىس سىبايلاس جەمقورلىق بولىپ تابىلادى. بۇل تۋرالى «Jetisy Media» الاڭىندا وتكەن ءباسپاسوز-ءماسليحاتىندا ءمالىم بولدى.

جەدەل-تەرگەۋ تاجىريبەسىنە سايكەس، سىبايلاس جەمقورلىق قىلمىستارىنىڭ باسىم ۇلەسى نەمەسە 86,8%-ى پاراقورلىقپەن بايلانىستى، ولارعا 59 قىلمىس جاتادى.

سىبايلاس جەمقورلىق قىلمىستارىن جاساعانى ءۇشىن 154 ادام قىلمىستىق جاۋاپكەرشىلىككە تارتىلدى.

ايتا كەتەيىك، ەسەپتىك كەزەڭدە "جۇيەلى" سىبايلاس جەمقورلىقتىڭ 8 فاكتىسى انىقتالدى. كەشەندى ءىس-شارالاردى ىسكە اسىرۋ ناتيجەسىندە 22 ادام اشكەرەلەندى، 33 قىلمىس تىركەلدى، 4 قىلمىستىق ءىس سوتقا جولداۋمەن اياقتالدى، 1 ادام سوتتالدى.

«ەسەپتىك كەزەڭدە باقىلاۋشى ورگانداردىڭ لاۋازىمدى تۇلعالارى تاراپىنان كاسىپكەرلىك قىزمەتكە زاڭسىز ارالاسۋدىڭ 10 فاكتىسى انىقتالدى (26 قىلمىس) 35 لاۋازىمدى تۇلعا قىلمىستىق جاۋاپكەرشىلىككە تارتىلدى، 10 كاسىپكەرلىك سۋبەكتىلەرىنىڭ قۇقىقتارى قورعالدى.

مەملەكەتتىك باعدارلامالاردى سۇيەمەلدەۋ اياسىندا-23 قىلمىس تىركەلدى. 18 تۇلعا جاۋاپكەرشىلىككە تارتىلدى، كەلتىرىلگەن زالال 133,3 ملن.تەڭگەنى قۇرادى، 940,1 ملن. تەڭگە كولەمىندەگى زالال قايتارىلدى»،-دەيدى قر سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى جاندوس جۇماباەۆ.

Abai.kz