قازاقستاندا تولىق ەگىلگەندەر سانى 6 ملن
قازاقستاندا ەرەسەك حالىقتىڭ 60 پايىزعا جۋىعى تولىق كوروناۆيرۋسقا قارسى ەگىلدى. دەنساۋلىق ساقتاۋ مينيسترلىگىنىڭ 13 قىركۇيەكتەگى مالىمەتى بويىنشا، كوروناۆيرۋسقا قارسى ۆاكتسينانىڭ ءبىرىنشى كومپونەنتىمەن 7087994 ادام، ەكىنشى كومپونەنتپەن 5 906 080 ادام ەگىلگەن.
ءبىرىنشى كومپونەنتپەن ەگىلگەندەردىڭ سانى قازىردىڭ وزىندە ەگىلەتىن حالىقتىڭ 71,1 پايىزىن قۇراعان. ۆاكتسينانىڭ ەكىنشى كومپونەنتى 59,2 پايىز ادامعا سالىندى.
بۇعان دەيىن مينيسترلىك وكىلدەرى قىتايدان ارنايى 3 ملن دوزا ۆاكتسينا اكەلگەنىن مالىمدەپ ەدى.
Abai.kz
