مەملەكەتتىك كۇزەت قىزمەتىنىڭ قىزمەتكەرلەرى 1999 جىلدىڭ 16 اقپانى مەن 30 ناۋرىزىندا تاشكەنتتە بولعان تەراكتىلەرگە قاتىسى بار، 23 جىل ىزدەۋدە بولعان ادامدى ۇستادى. بۇل تۋرالى وزبەكستاننىڭ مەملەكەتتىك قاۋىپسىزدىك قىزمەتىنىڭ ءباسپاسوز قىزمەتى حابارلادى. 

وزبەكستاننىڭ قاۋىپسىزدىك قىزمەتكەرلەرىنىڭ حابارلاۋىنشا، تاشكەنت وبلىسىنىڭ تۋماسى، 1969 جىلى تۋعان، تۇركىستان يسلام قوزعالىسىنىڭ مۇشەسى يۋ.ج. وزبەكستان رەسپۋبليكاسىندا اۋىر قىلمىس جاساعانى ءۇشىن حالىقارالىق ىزدەۋدە بولعان. مەملەكەتتىك قاۋىپسىزدىك قىزمەتى ارنايى قىزمەت وزبەكستانعا اكەلگەن ەر ادامنىڭ قاي ەلدە ۇستالعانىن ناقتىلاعان جوق.

بەلگىلى بولعانداي، ۇستالعان ادام 1998 جىلدىڭ باسىندا شەشەنستانعا كەتىپ، يوردانيالىق امير حاتتاب قۇرعان سودىرلار لاگەرىندە ارنايى دايىندىقتان ءوتىپ، كەيىن اۋعانستانداعى حالىقارالىق تەرروريستىك ۇيىم - تۇركىستان يسلام قوزعالىسىنا قوسىلعان.

1999 جىلدىڭ قاڭتارىندا ۇيىم باسشىلارىنىڭ نۇسقاۋىمەن ول تاشكەنتكە اينالما جولمەن كەلىپ، اۋقاتتى ادامداردىڭ ۇيلەرىن توناپ، اقشاسى مەن قۇندى زاتتارىن ۇرلاپ، اۋعانستانداعى تۇركىستان يسلام قوزعالىسىنىڭ باسشىلارىنا جىبەرگەن.

بارلاۋ قىزمەتى، ۇستالعان ادامنىڭ 1998-2006 جىلدار ارالىعىندا شەت مەملەكەتتەردە حالىقارالىق تەرروريستىك ۇيىمدارمەن سوعىس قيمىلدارىنا قاتىسقانىن جانە وعان قاتىستى قىلمىستىق ءىس اياسىندا تەرگەۋ جۇرگىزىلىپ جاتقانىن حابارلايدى.

Abai.kz