الەۋمەتتىك جەلىلەردەن كوزگە تۇسكەن دەرەكتەردە قازاقستان حالقىنىڭ بيىل 19 ميلليونعا جەتكەنى ايتىلىپ ءجۇر. بۇل جەر پلانەتاسى تۇرعىندارىنىڭ 0,02 پايىزىنان ءسال استام دەگەن ءسوز. ال جەر بەتىندەگى حالىق سانى بولسا 7,8 ميللياردقا جەتكەن. ارينە بۇل سىرتتاي قاراعاندا وتە ۇلكەن تسيفر بولىپ كورىنەدى.

ەگەر سول 7,8 ملرد ادامدى 100 پايىز دەپ الاتىن بولساق، كوپ نارسەگە كوزىمىز اشىلادى.
قاراڭىز، جاڭاعى ءجۇز پايىزدىڭ
11 پايىزى – ەۋروپادا،
5 پايىزى – سولتۇستىك امەريكادا،
9 پايىزى – وڭتۇستىك امەريكادا،
15 پايىزى – افريكادا،
60 پايىزى – ازيادا تۇرادى ەكەن.
49 پايىزى – اۋىلدا،
51 پايىزى – قالادا تۇرادى.

الگى ءجۇز پايىزدىڭ
12 پايىزى – قىتايشا سويلەيدى.
5 پايىزى - اعىلشىنشا،
5 پايىزى – يسپانشا،
3 پايىزى – ارابشا،
3 پايىزى – حيندي تىلىندە سويلەيدى.
3 پايىزى – بەنگال،
3 پايىزى – پورتۋگال،
2 پايىزى – جاپون،
2 پايىزى – ورىس تىلدەرىن قولدانادى.
0,015 پايىزى – قازاقشا سويلەيدى.
62 پايىزى - ءوز تىلدەرىندە سويلەيدى.
جەر شارىنىڭ سول 100 پايىز تۇرعىندارىنىڭ 77 پايىزى ءوز ۇيىندە تۇرادى. 23 پايىزىنىڭ باسپاناسى جوق.
21 پايىز ادامدار تاماقتى تويىپ جەپ كەكىرىگى ازىپ ءجۇر.
63 پايىز ادامدار قالاعان كەزىندە قالاعانىنشا جۇرەك جالعاي الادى.
15 پايىز ادامدار – اشتىقتىڭ ازابىن تارتادى.
جالپى تۇرعىنداردىڭ 48 پايىزىندا تاۋلىكتىك ءومىر ءسۇرۋ قۇنى 2 دوللاردان تومەن.
87 پايىز ادامدار تازا اۋىزسۋدى قولدانادى.
13 پايىزى –تازا اۋىزسۋعا ءزارۋ، لاستانعان سۋ كوزدەرىن پايدالانادى.
جەر بەتىندەگى ادامداردىڭ 75 پايىزىنىڭ موبيلدىك تەلەفونى بار.
25 پايىزىندا تەلەفون مۇلدە جوق.
تۇرعىنداردىڭ 30 پايىزى ءۇشىن ينتەرنەت قولجەتىمدى. 70 پايىزى ينتەرنەتكە شىعا المايدى.

7 پايىزى جوعارى ءبىلىم العان.
93 پايىزى ءتىپتى كوللەدجدە دە وقىماعان.
83 پايىزى حات تانيدى.
17 پايىزى ساۋاتسىز.
33 پايىزى – حريستياندار،
22 پايىزى مۇسىلمان.
14 پايىزى – يندۋس.
7 پايىزى – بۋدديستەر.
12 پايىزى باسقا دىندەگىلەر (نانىمداعىلار).
12 پايىزى ءتۇرلى ءدىني سەنىمدەرمەن باسىن قاتىرمايدى.
26 پايىزىنىڭ جاسى 14-كە دە جەتپەيدى.
66 پايىزى – 14 پەن 66 جاس ارالىعىندا دۇنيەدەن وتەدى.
8 پايىزىنىڭ عانا جاسى 65-تەن اسادى.
ەگەر ءسىزدىڭ ءۇيىڭىز بار، كۇنىنە قالاعانىڭىزشا تاماق جەپ، تازا سۋ ىشەتىن بولساڭىز، قولىڭىزدا موبيلدىك تەلەفونىڭىز بولسا، كەز كەلگەن ساتتە عالامتورعا قوسىلا الاتىن بولساڭىز، تىم قۇرىعاندا كوللەدج ءبىتىرۋدىڭ ءساتى تۇسكەن بولسا وندا ءسىز جەر تۇرعىندارىنىڭ 7 پايىزدىق ايىرىقشا توبىنىڭ قاتارىنداسىز.

ەگەر ءسىزدىڭ جاسىڭىز 65-تەن اسقان بولسا تاعدىرىڭىزعا راحمەت ايتىڭىز. ويتكەنى ادامداردىڭ 92 پايىزى بۇعان دا جەتە العان جوق. ەندى ءسىز تەك ءوز دەنساۋلىعىڭىز ءۇشىن قام جەڭىز. ءومىردىڭ ءار ءساتىن يگىلىگىڭىزگە پايدالانىڭىز!

مارات ءبايدىلداۇلى

Abai.kz