ءماجىلىس ءبىرىنشى وقىلىمدا قازاقستاندا ءولىم جازاسىن الىپ تاستايتىن زاڭ جوباسىن ماقۇلدادى. الايدا قۇجاتتا بىرقاتار ەسكەرتۋلەر بار.

2003 جىلدىڭ جەلتوقسانىندا پرەزيدەنت ءولىم جازاسىن تولىعىمەن الىپ تاستاۋ ماسەلەسى شەشىلگەنگە دەيىن موراتوري ەنگىزۋ تۋرالى جارلىققا قول قويدى. ءولىم جازاسىن جويۋعا باعىتتالعان نەگىزگى فاكتورلاردىڭ ءبىرى - قازاقستان وسى جىلدىڭ 2 قاڭتارىندا راتيفيكاتسيالاعان ەكىنشى فاكۋلتاتيۆتىك حاتتاما.

"حاتتاما ءولىم جازاسىن الىپ تاستاۋ ءۇشىن بارلىق قاجەتتى شارالاردى قابىلداۋعا مىندەتتەيدى، بىراق ەسكەرتپە جاسالعان جاعدايدا ونى ساقتاۋعا مۇمكىندىك بەرەدى. قازاقستان مۇنى پايدالانىپ، راتيفيكاتسيالاۋ كەزىندە ءتيىستى ەسكەرتۋ جاسادى. ەسكەرتۋگە سايكەس، قازاقستان سوتتالۋشى سوعىس ۋاقىتىندا جاسالعان اسكەري سيپاتتاعى اسا اۋىر قىلمىستار جاساعانى ءۇشىن كىنالى دەپ تانىلعاننان كەيىن، سوعىس ۋاقىتىندا ءولىم جازاسىن قولدانۋ قۇقىعىن وزىنە قالدىرادى", - دەدى باس پروكۋروردىڭ ورىنباسارى اسەت چينداليەۆ ءماجىلىس وتىرىسىندا.

ونىڭ ايتۋىنشا، قىلمىستىق كودەكستىڭ 13 بابىنان ءولىم جازاسى الىنىپ تاستالعان.

ء"ولىم جازاسىن قىلمىستىق كودەكستىڭ تەك ءتورت بابىندا قالدىرۋ ۇسىنىلدى. اتاپ ايتقاندا، اسكەري وپەراتسيالارمەن بايلانىستى جانە سوعىس ۋاقىتىندا جاسالعان ادامزاتتىڭ تىنىشتىعى مەن قاۋىپسىزدىگىنە قارسى ەڭ اۋىر قىلمىستار ءۇشىن. قولدانىستاعى قىلمىستىق كودەكسكە سايكەس، بۇعان اگرەسسيۆتى سوعىس ءتاسىلىن قولدانۋ نەمەسە جۇرگىزىلۋ، جاپپاي قىرىپ-جوياتىن قارۋدى قولدانۋ، سوعىس تۇتقىندارى مەن بەيبىت تۇرعىنداردىڭ ولىمىندە كورسەتىلگەن سوعىس زاڭدارى مەن ادەت-عۇرىپتارىن بۇزۋ، سونداي-اق گەنوتسيد جاتادى", - دەپ چينداليەۆ.

Abai.kz