قاجىمۇقان عابدوللا. مۇنايشى – سوتتالدى، اكىم – اقتالدى، ارىم – تاپتالدى…
تاڭ قالامىن: شەتەلدەردە، وركەنيەتتى مەملەكەتتەردە جۇمىسشىلار جالاقىلارىن ءوسىرۋدى تالاپ ەتىپ، ەرەۋىلگە شىعادى; ارتىنشا كاسىپوداقتار جالاۋلاتىپ، جۇمىسشىنىڭ قۇقىن قورعايدى; قوعام ءدۇر سىلكىنەدى; بيلىك جۇمىسشى تالابىنا قۇلاق اسىپ، مۇقتاجدىعىن قاناعاتتاندىرادى...
جانىم اۋىرادى: بىزدە جۇمىسشىلار ءوزىنىڭ تيەسىلى ايلىعىن - "تابان اقى، ماڭداي تەرىن" - الا الماي، ايلاپ-جىلداپ سارساڭعا تۇسەدى; سوسىن، شىدامى تاۋسىلىپ، ەرەۋىلگە شىقسا، ەشكىم قۇلاق اسپايدى; كاسىپوداق كورتىشقانداي تەسىككە تىعىلادى; قوعام بوگدە قاراۋىلداي الىستان اڭداپ، ءمىز باقپايدى; بيلىك تەمىر ەسىگىن قۇرساۋلاپ، قوقان-لوققى كورسەتەدى; كونبەگەندى كەبىسپەن تەپكىلەپ، كوشەگە قاڭعىتىپ جىبەرەدى; اقىرىندا، قۋالاپ ءجۇرىپ وق اتىپ، قان-جوسا قىلىپ، قىرىپ تاستايدى...
سولشىل بەلسەندىلەر مۇنايشىنىڭ جانىنا توسەك سالىپ، بىرگە تەپەرىش شەگۋدىڭ ورىنىنا، الاتاۋدان ايقايلاپ، ارقاعا «ايبات شەگەدى»... نە كەرەك، جەگەن ناننىڭ سۇراۋىن ساۋداعا سالادى...
ايتپەسە، جاڭاوزەنگە جارماقان تۇياقباي تۇياق تيگىزىپ، ۆلاديمير كوزلوۆ پالاتكادا تۇنەگەن جوق... بوس ءسوز، قۇر قىشقىرۋ...
...اراعا التى اي سالىپ، مەنىڭ مۇنايشى باۋىرلارىم قاپاسقا كەتتى; اڭگۇدىك اكىم بولسا، اكەسىنىڭ ۇيىندە اياعىن سوزىپ، دەمالىپ جاتىر...
تاڭ قالامىن: شەتەلدەردە، وركەنيەتتى مەملەكەتتەردە جۇمىسشىلار جالاقىلارىن ءوسىرۋدى تالاپ ەتىپ، ەرەۋىلگە شىعادى; ارتىنشا كاسىپوداقتار جالاۋلاتىپ، جۇمىسشىنىڭ قۇقىن قورعايدى; قوعام ءدۇر سىلكىنەدى; بيلىك جۇمىسشى تالابىنا قۇلاق اسىپ، مۇقتاجدىعىن قاناعاتتاندىرادى...
جانىم اۋىرادى: بىزدە جۇمىسشىلار ءوزىنىڭ تيەسىلى ايلىعىن - "تابان اقى، ماڭداي تەرىن" - الا الماي، ايلاپ-جىلداپ سارساڭعا تۇسەدى; سوسىن، شىدامى تاۋسىلىپ، ەرەۋىلگە شىقسا، ەشكىم قۇلاق اسپايدى; كاسىپوداق كورتىشقانداي تەسىككە تىعىلادى; قوعام بوگدە قاراۋىلداي الىستان اڭداپ، ءمىز باقپايدى; بيلىك تەمىر ەسىگىن قۇرساۋلاپ، قوقان-لوققى كورسەتەدى; كونبەگەندى كەبىسپەن تەپكىلەپ، كوشەگە قاڭعىتىپ جىبەرەدى; اقىرىندا، قۋالاپ ءجۇرىپ وق اتىپ، قان-جوسا قىلىپ، قىرىپ تاستايدى...
سولشىل بەلسەندىلەر مۇنايشىنىڭ جانىنا توسەك سالىپ، بىرگە تەپەرىش شەگۋدىڭ ورىنىنا، الاتاۋدان ايقايلاپ، ارقاعا «ايبات شەگەدى»... نە كەرەك، جەگەن ناننىڭ سۇراۋىن ساۋداعا سالادى...
ايتپەسە، جاڭاوزەنگە جارماقان تۇياقباي تۇياق تيگىزىپ، ۆلاديمير كوزلوۆ پالاتكادا تۇنەگەن جوق... بوس ءسوز، قۇر قىشقىرۋ...
...اراعا التى اي سالىپ، مەنىڭ مۇنايشى باۋىرلارىم قاپاسقا كەتتى; اڭگۇدىك اكىم بولسا، اكەسىنىڭ ۇيىندە اياعىن سوزىپ، دەمالىپ جاتىر...
ۇياتتان الدەقاشان ايىرىلعان قوعام ەدىك، ەندى ارىمىزعا داق ءتۇستى... دوسقا - كۇلكى، جاۋعا - مازاق بولدىق...
قايسىبىرىن ايتايىن؟!.
...الپىستان اسىپ، پايعامبار جاسىنا جەتسە دە جەتەسى جەتىمسىرەگەن ءبىر وپپوزيتسيا وكىلى قازاق بىلمەيتىن: «قالماق ۇلىم قامال بۇزسا، قازاق ۇلىم ساداعا!» - دەگەن ماقالا جازىپ، ماقال ماقامداپ، دالباسالاپتى... اتامىز قازاق تۋعان پەرزەنتىن «اتاڭا نالەت يت قالماققا» قاشان ساداعا قىلىپتى؟!. جات كەلىمسەكتەردىڭ اقشاسىنا وزەك جالعاعان بۇ كىسى وسى ماقالاسى ارقىلى ءدىنى مەن ءدىلى دۇشپان ۆلاديمير كوزلوۆقا مۇقىم قازاقتى جىعىپ بەرىپ، تابانىنا تاپتاتقىسى كەلە مە؟ بۇل - قاي ساسقانى، بۇل - قاي داندىپ-الجىعانى؟!. وسىندايدا ارىن اسپەتتەپ، ادەمى قارتايعان بۇرىنعى ۇلكەندەرىمىزدىڭ ارۋاعىنان اينالىپ كەتكىڭ كەلەدى ەكەن...
ءبىر جاعىنان، "اققۇلاقتىڭ تابانىن جالاعان" وسىنداي كەڭەستىڭ قۇلدىق ساناسىنان اجىرامايتىن ۇرپاققا جاناشىرلىقپەن قاراساڭ، ەكىنشى جاعىنان...
...مەن جاقىن كۇندەرى الماتىداعى جازۋشىلار وداعىنىڭ ماڭىندا ەربول اقشولاق دەيتىن جاس تا بەلسەندى جىگىتپەن كەزدەسىپ، سۇقباتتاستىم. ەربولدىڭ جاسى نەبارى 21-دە، تاۋەلسىزدىكتىڭ قۇرداسى بولىپ شىقتى. ءسوزى ءتۇزۋ، كوزى اشىقتىعى تايعا تاڭبا باسقانداي. جاستىق جىگەرى مەن قايتپاس قاجىرى دا ەشكىمنەن كەمشىن ەمەس. بىراق، ەربولدىڭ: «ءشىرىپ جاتقان - قوعامنان، ءىرىپ-اققان - مورالدان نە پايدا؟!.» - دەپ، تاۋسىلا سويلەگەنى جانىما باتىپ، جۇرەگىمدى سىزداتتى...
«قاريانىڭ قايراتى قايتتى عوي» دەپ «اقتاپ» الايىق، ال، كۇللى ءومىرى الداعى ورىمدەي جاسىمىزعا نە بەتىمىزدى ايتامىز؟!.
«اباي-اقپارات»
