.png)
نارازى توپتىڭ مالىمدەۋىنشە، بيىل مامىردان بەرى قىرعىزستانعا اعزا مۇشەلەرىن اۋىستىرعاندارعا ارنالعان يممۋندى سۋپرەسسورلار جەتكىزۋ توقتاعان.
"دارىلەر تۇركيا مەن ەۋروپادان جەتكىزىلەتىن. ەندى ونى رەسەيدەن اكەلۋ تۋرالى كەلىسىم جاسالىپ جاتىر ەكەن. بىراق ءبىز رەسەيدە شىعارىلعان ءدارىنى ىشكىمىز كەلمەيدى. ويتكەنى ول ءدارىنىڭ زالالى كوپ، اۋىستىرىلعان مۇشەنى زاقىمدايدى. ءبىزدىڭ قۇقىعىمىز اياققا تاپتالدى", - دەدى نارازىلىققا شىققانداردىڭ ءبىرى.
ولارمەن دەنساۋلىق ساقتاۋ ءمينيسترىنىڭ ورىنباسارى جالاليدين راحماتۋلاەۆ كەزدەستى. مينيسترلىكتىڭ حابارلاۋىنشا، تەندەر وتەتىن ۋاقىت شەگەرىلگەن، سول سەبەپتى ەلگە ءدارى جەتكىزۋ توقتاپ قالعان.
Abai.kz
