ەلوردامىز استانادا شىلدەنىڭ 13-ءى كۇنى  «ناشە مەستو» اتالاتىن انتيكافەنىڭ الدىندا جابىسىپ الىپ جالاستىنداردىڭ جارىسى وتكەلى جاتقانىن العاشقىلاردىڭ ءبىرى بولىپ قازاق ءتىلدى عالامتور بەتىندە جاريالاعان ەدىك. سول كەزدە تاقىرىپقا بايلانىستى پىكىر بىلدىرگەندەردىڭ ءبىرى «اباي.كز»، وسىنداي ارزىمايتىن ماسەلەنى كوتەرۋدىڭ قاجەتى قانشا ەدى؟» دەپ كەيىستىك بىلدىرگەن. وعان قوسىلىپ تاعى ءبىر اعايىن قازاق جۋرناليستەرىن جەردەن الىپ، جەرگە سالىپ ياناتتاعان دا ەدى. تەگىندە، قوعامدا جىلىگى تاتىمايتىن تاقىرىپ كەم. بىراق،  ازاماتتىق قوعامنىڭ بەلسەندىلىگى ارتپاي قاندايما ماسەلە كۇن تارتىبىنە قويىلسا دا تاسادا قالا بەرەدى. سودان وتىرا قالىپ بارىنە بيلىكتى جازعىرامىز. اسىلىندە، ازاماتتىق قوعام سەرگەك بولىپ ۇلتتىق، ەلدىك جايتتارعا جان اشىرلىق تانىتىپ وتىرسا، بيلىككە جەتپەي-اق كەيبىر ءىستىڭ شەشىمى تابىلىپ جاتار ەدى. بۇنى نەگە ايتىپ وتىرمىز؟ بۇنى ايتىپ وتىرۋىمىزعا سەبەپ - استانادا وتە جازداعان ارسىز شارانىڭ الدىن الىپ، مىسالى قمبد باستاعان مۇسىلمانداردىڭ قارسى شىعۋى دەر ەدىك. قازاق ءتىلدى سايتتار مەن گازەتتەردە انتيكافەشىلەردىڭ ارەكەتى تۋرالى جازىلعان سوڭ مەشىتتەردەگى جاماعات نارازىلىق ءبىلدىرىپ، ۇندەۋ جاريالاي باستادى. ناتيجەسىندە جاريا تۇردە جالاساتىنداردىڭ جارىسىن ۇيىمداستىرماق بولعان كۇشىعۇلوۆ دەيتىن جىگىت جەڭىلگەنىن مويىندادى.

ەلوردامىز استانادا شىلدەنىڭ 13-ءى كۇنى  «ناشە مەستو» اتالاتىن انتيكافەنىڭ الدىندا جابىسىپ الىپ جالاستىنداردىڭ جارىسى وتكەلى جاتقانىن العاشقىلاردىڭ ءبىرى بولىپ قازاق ءتىلدى عالامتور بەتىندە جاريالاعان ەدىك. سول كەزدە تاقىرىپقا بايلانىستى پىكىر بىلدىرگەندەردىڭ ءبىرى «اباي.كز»، وسىنداي ارزىمايتىن ماسەلەنى كوتەرۋدىڭ قاجەتى قانشا ەدى؟» دەپ كەيىستىك بىلدىرگەن. وعان قوسىلىپ تاعى ءبىر اعايىن قازاق جۋرناليستەرىن جەردەن الىپ، جەرگە سالىپ ياناتتاعان دا ەدى. تەگىندە، قوعامدا جىلىگى تاتىمايتىن تاقىرىپ كەم. بىراق،  ازاماتتىق قوعامنىڭ بەلسەندىلىگى ارتپاي قاندايما ماسەلە كۇن تارتىبىنە قويىلسا دا تاسادا قالا بەرەدى. سودان وتىرا قالىپ بارىنە بيلىكتى جازعىرامىز. اسىلىندە، ازاماتتىق قوعام سەرگەك بولىپ ۇلتتىق، ەلدىك جايتتارعا جان اشىرلىق تانىتىپ وتىرسا، بيلىككە جەتپەي-اق كەيبىر ءىستىڭ شەشىمى تابىلىپ جاتار ەدى. بۇنى نەگە ايتىپ وتىرمىز؟ بۇنى ايتىپ وتىرۋىمىزعا سەبەپ - استانادا وتە جازداعان ارسىز شارانىڭ الدىن الىپ، مىسالى قمبد باستاعان مۇسىلمانداردىڭ قارسى شىعۋى دەر ەدىك. قازاق ءتىلدى سايتتار مەن گازەتتەردە انتيكافەشىلەردىڭ ارەكەتى تۋرالى جازىلعان سوڭ مەشىتتەردەگى جاماعات نارازىلىق ءبىلدىرىپ، ۇندەۋ جاريالاي باستادى. ناتيجەسىندە جاريا تۇردە جالاساتىنداردىڭ جارىسىن ۇيىمداستىرماق بولعان كۇشىعۇلوۆ دەيتىن جىگىت جەڭىلگەنىن مويىندادى. ءسويتىپ، استانادا 2010 جىلدىڭ 25 جەلتوقسانىندا «نۇر استانا» مەشىتى جانىنداعى «ASIA PARK» ساۋدا ۇيىندە تىرداي جالاڭاشتار جارىسىن وتكىزىپ تايراڭداعان كۇشىعۇلوۆ ەرىكسىز اتىنىڭ باسىن تارتتى. اتالعان ساۋدا ۇيىندە باسىنان باقايشاعىنا دەيىن شەشىنگەندەرگە تەگىن دجنسى شالبارىن تاراتىپ شالقىعان كۇشىعۇلوۆتىڭ ول كەزدەگى ماسقارا تىرلىگى دە قازاق باسپاسوزىندە جازىلعان-دى، بىراق وعان قمبد ءدال وسى جولعىداي اسا ءمان بەرمەگەن ەدى. ەستەرىڭىزگە سالا كەتەيىك، استاناداعى انتيكافەنىڭ الدىندا وتە جازداعان مارافونعا بايلانىستى قمبد مىنانداي مالىمدەمە جاساعان بولاتىن:

كۇنى كەشە عانا بۇكىل قازاق مۇسىلمان ەل ەكەنىمىزدى ايداي الەمگە پاش ەتتىك. عاجايىپ «ازىرەت سۇلتان» مەشىتى اشىلدى. مىنە، بۇگىندە رۋحاني كەلىسىمنىڭ ورداسىنا اينالعان استانادا ۇلت بولاشاعى - ۇل مەن قىزىمىزدى سۇيىسۋدەن جارىستىرۋ قانشالىقتى ورىندى؟ اي دەيتىن اجا، قوي دەيتىن قوجا بولماسا، ەرتەڭ ەلىمىزدە اشىق زينا جاساۋدان بايقاۋ وتكىزەمىز دەيتىندەر شىقپاسىنا كىم كەپىل؟

ادامزاتتىڭ اسىلى ارداقتى پايعامبارىمىز مۇحاممەد مۇستافا (س.ع.س.) حاديستەرىنىڭ بىرىندە: «ەگەر ءبىر جاماندىقتى كورسەڭ، قولمەن تۇزەت، وعان شاماڭ كەلمەسە، تىلمەن ايت، وعان دا كۇشىڭ جەتپەسە، جۇرەكپەن جەك كور. بۇل - يماننىڭ ەڭ ءالسىزى»، - دەگەن.

«اباي-اقپارات»