«التىن الما، العىس ال،
التىن دەگەن - جەر سىيى،
العىس دەگەن - ەل سىيى»

قازاق ماقالى.

حالىق قالاۋلىسى، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ساعياتۋللا ومىرزاقۇلى سارسەنوۆ سوزدەن گورى ءىستىڭ ادامى ەكەندىگىنە وسى جولى تاعى دا كوز جەتكىزدىم.

قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى جازدىق كانيكۋلعا شىققاندا، الدىمەن مىندەتتى تۇردە حالىقپەن، ءوز سايلاۋشىلارىمەن كەزدەسۋلەر وتكىزەتىنى بەلگىلى. وسى ءداستۇردى العاشقىلاردىڭ ءبىرى بولىپ، «اق جول» پارتياسىنىڭ دەپۋتاتتىق فراكتسيا مۇشەسى ساعياتوللا سارسەنوۆ الماتى قالاسىندا ماقساتتى تۇردە بىرنەشە باعىتتى قامتىعان شارالارعا قاتىسۋ ارقىلى جالعاستىردى.

نەگىزگى ماقساتتى باعىتتارعا قىسقاشا شولۋ جاساي وتسەم: ونەر - ونىڭ ىشىندە بەينەلەۋ ونەرى، ءوندىرىس - ونىڭ ىشىندە تاماق، شىنى جانە ماي ونىمدەرى ءوندىرىسى، حالىقتىڭ ءال-اۋقاتى - ونىڭ ىشىندە بالالاردىڭ جاي-كۇيى، قارتتارىمىز بەن ارداگەرلەرىمىزدىڭ حال-جاعدايى، ەل بەكىنىسى - شەكاراشى ساربازداردىڭ تىنىس-تىرشىلىگى.

ۇستىمىزدەگى جىلدىڭ 10 شىلدەسىندە الماتىداعى ورتالىق كورمە زالىندا (وكز) ۆيتراج ونەرى مەن موزايكاعا ارنالعان 4-ءشى «كوركەم ۆيتراج بەن موزايكاداعى زاماناۋي ۇردىستەر» اتتى كورمە مەن «اينەك قۇدىرەتى-2012» ساتىلىم-كورمەلەردىڭ سالتاناتتى اشىلۋى بولىپ ءوتتى.

«التىن الما، العىس ال،
التىن دەگەن - جەر سىيى،
العىس دەگەن - ەل سىيى»

قازاق ماقالى.

حالىق قالاۋلىسى، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ساعياتۋللا ومىرزاقۇلى سارسەنوۆ سوزدەن گورى ءىستىڭ ادامى ەكەندىگىنە وسى جولى تاعى دا كوز جەتكىزدىم.

قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى جازدىق كانيكۋلعا شىققاندا، الدىمەن مىندەتتى تۇردە حالىقپەن، ءوز سايلاۋشىلارىمەن كەزدەسۋلەر وتكىزەتىنى بەلگىلى. وسى ءداستۇردى العاشقىلاردىڭ ءبىرى بولىپ، «اق جول» پارتياسىنىڭ دەپۋتاتتىق فراكتسيا مۇشەسى ساعياتوللا سارسەنوۆ الماتى قالاسىندا ماقساتتى تۇردە بىرنەشە باعىتتى قامتىعان شارالارعا قاتىسۋ ارقىلى جالعاستىردى.

نەگىزگى ماقساتتى باعىتتارعا قىسقاشا شولۋ جاساي وتسەم: ونەر - ونىڭ ىشىندە بەينەلەۋ ونەرى، ءوندىرىس - ونىڭ ىشىندە تاماق، شىنى جانە ماي ونىمدەرى ءوندىرىسى، حالىقتىڭ ءال-اۋقاتى - ونىڭ ىشىندە بالالاردىڭ جاي-كۇيى، قارتتارىمىز بەن ارداگەرلەرىمىزدىڭ حال-جاعدايى، ەل بەكىنىسى - شەكاراشى ساربازداردىڭ تىنىس-تىرشىلىگى.

ۇستىمىزدەگى جىلدىڭ 10 شىلدەسىندە الماتىداعى ورتالىق كورمە زالىندا (وكز) ۆيتراج ونەرى مەن موزايكاعا ارنالعان 4-ءشى «كوركەم ۆيتراج بەن موزايكاداعى زاماناۋي ۇردىستەر» اتتى كورمە مەن «اينەك قۇدىرەتى-2012» ساتىلىم-كورمەلەردىڭ سالتاناتتى اشىلۋى بولىپ ءوتتى.

بۇل ءوز كەزەگىندە دەپۋتاتتىڭ وسى جولعى جۇمىس جوسپارىنىڭ باستاۋى بولدى.

سالتاناتتى شارالار قر پارلامەنتى ءماجىلىسىنىڭ دەپۋتاتى، «اق جول» قدپ پارلامەنتتىك فراكتسياسىنىڭ مۇشەسى ساعياتۋللا سارسەنوۆتىڭ قۇتتىقتاۋ ءسوز سويلەۋىمەن اشىلدى.

ول ءوز سوزىندە مۇنداي مادەني شارالاردىڭ قوعام ومىرىندە، ونىڭ ىشىندە مادەني وردامىز - الماتى شاھارىندا الاتىن ورنى ەرەكشە ەكەندىگىنە توقتالىپ ءوتتى. «ءاربىر مۇنداي شارا - شىعارماشىلىقتى دامىتۋعا دانەكەر بولا الادى، - دەپ ساعياتوللا ومىرزاقۇلى ءوز ويىن ارى قاراي ساباقتاي ءتۇستى. - ماڭگىلىك ونەرگە كۋا بولۋ مۇمكىندىگىنە يە بولۋ، ادامداردى ءوزىن قورشاعان الەمنىڭ كەرەمەتتىگىن سەزىنۋگە، رۋحاني بولمىسىن قالىپتاستىرۋعا، ىشكى جان دۇنيەسىن راحاتقا بولەگەندەي، ساف اۋامەن سۋسىنداعانداي اسەر بەرەدى».

ودان سوڭ دەپۋتات س. سارسەنوۆ جانە ونەرگە بەي-جاي قارامايتىن «اق جول» قدپ توراعاسىنىڭ ورىنباسارى تالعات قايىربايۇلى ءابدىجاپپاروۆ سالتاناتتى تۇردە قىزعىلت لەنتانى قيىپ، كورمەنىڭ كەرەمەتىن تاماشالاۋ ءۇشىن كەلگەن كوپشىلىك كورەرمەنگە جول اشتى.

ۇيىمداستىرۋشىلار ەكى ساعات بويى پارتيا دەلەگاتسياسى مەن قالىڭ كوپشىلىككە كورمە كەرەمەتىن ۇسىنىپ، كوركەم ۆيتراج بەن موزايكا ونەرىنىڭ نەگىزگى باعىتتارى تۋرالى تەرەڭىرەك ءتۇسىندىرىپ بەردى. سونىمەن قاتار، كورمەگە كەلگەندەر شەتەلدىك جانە قازاقتىڭ كلاسسيكالىق اۋەندەرىن شەبەر اسقاقتاتقان ونەرپازداردى تىڭداي وتىرىپ، ديزاينەرلەردەن كەلەلى كەڭەستەر الىپ، ماستەر-كلاسستارعا قاتىسىپ، body-art ونەرىن كورىپ تامساندى.

كەلەسى كۇنى قر پارلامەنتى ءماجىلىسىنىڭ دەپۋتاتى س. سارسەنوۆ «ەۆرازيان فۋد كورپورەيشن» مارگارين زاۋىتى مەن قالالىق № 1 بالالار ۇيىنە بارىپ قايتتىق.

مارگارين زاۋىتىنداعى جۇمىسشىلارمەن كەزدەسۋدە س. سارسەنوۆ كاسىپكەرلىككە مەملەكەتتىڭ قوماقتى قولداۋ كورسەتىپ جاتقاندىعى، ءاربىر كاسىپكەردىڭ «اتامەكەن» وداعىنا كىرۋىنىڭ قولايلىلىعى تۋرالى مول اقپارات بەردى.

ال بالالار ۇيىندە جەتكىنشەكتەردىڭ دەنە تاربيەسى، مەديتسينا-ساۋىقتىرۋ كەشەنىمەن جابدىقتاۋ، ساپالى تاعام مەن مەديتسينالىق قىزمەت تۋرالى ءسوز قوزعالدى. 3 جاسقا دەيىنگى 37 بالا تاريبەلەنىپ جاتقان مۇمكىندىگى شەكتەۋلى بۇلدىرشىندەرگە كاسىبي كومەك كورسەتەتىن 70 جۇمىسشىسى بار ۇجىم ساپالى تاعام بەرۋدە مەملەكەتتىك ساتىپ الۋ جۇيەسىن رەتتەۋ قاجەتتىگىن ەسكەرتتى. اتالمىش وزەكتى ماسەلەنى دەپۋتات ءوز نازارىنا الىپ، ءتيىستى قۇزىرلى ورگاندارمەن جۇيەلى تۇردە قاراپ، وڭ شەشۋگە ۋادە ەتتى.

شىلدەنىڭ 12 جۇلدىزىندا دەپۋتات س. سارسەنوۆتىڭ باستاۋىمەن «اق جول» پارتياسىنىڭ الماتى قالالىق دەلەگاتسياسى «ماسلودەل» جشس ۇجىمىمەن كەزدەستى. كەزدەسۋ بارىسىندا وندىرىستىك تسەحتاعى كۇندەلىكتى جۇمىس بارىسىمەن تانىستى. زاۋىتتىڭ ءاربىر جۇمىسشى قوناقتارعا جۇمىستارىنىڭ ەرەكشەلىكتەرى تۋرالى ايتىپ، مەملەكەتتىڭ ءاردايىم كاسىپكەرلەر مەن جۇمىسشىلارعا قولداۋ كورسەتكەنى ءۇشىن العىستارىن ايتا وتىرىپ، وتاندىق ءوندىرىس پەن تاۋەلسىز قازاقستاننىڭ بولاشاعىنا زور سەنىمدەرىن ءبىلدىردى.

ساعياتۋللا ومىرزاقۇلى ءوز سوزىندە بىلاي دەدى: «بۇگىنگى كۇنى ءبىز ەكسپورتقا باعىتتالعان ەلمىز. ءبىزدىڭ بيۋدجەتىمىز مۇنايدىڭ تۇسىمىنەن قۇرالادى. بىراق شيكىزات قورى ماڭگىلىك ەمەس. سوندىقتان ءبىز ەكونوميكانى ناقتى وندىرىستەردى قۇرۋعا باعىتتاۋىمىز كەرەك. بۇل تىكەلەي ەلباسىمىز نۇرسۇلتان ءابىشۇلى نازارباەۆتىڭ ۇكىمەتكە قويعان تاپسىرماسى. شاعىن جانە ورتا بيزنەستىڭ تابىستارى ءبىزدىڭ رەسپۋبليكالىق باس بيۋدجەتىمىزدى قۇراۋى قاجەت. ءبىز سوعان جەتۋىمىز كەرەك. جانە وسىنداي مودەل ەۋروپانىڭ كوپتەگەن ەلدەرىندە جاقسى ناتيجە كورسەتۋدە».

جيىن سوڭىندا، دەپۋتات ەل ەكونوميكاسى مەن ءاربىر قازاقستاندىقتىڭ ءومىر ءسۇرۋ ساپاسىن ارتتىرۋ ءۇشىن بارشا قازاقستاندىق ونىدىرىسشىلەردى بىرىگۋگە شاقىردى.

13 شىلدە كۇنى ءماجىلىس دەپۋتاتى س. سارسەنوۆ پەن «اق جول» پارتياسىنىڭ توراعا ورىنباسارى ت. ءابدىجاپپاروۆ باستاعان ءبىر توپ ازاماتتار «قازقۇرىلىسشىنى» كومپانياسى مەن الماتى قالاسى ءبىلىم باسقارماسىنا قاراستى كامەلەتكە تولماعان جاسوسپىرىمدەردى بەيىمدەۋ ورتالىعىنىڭ جۇمىسىمەن تانىسىپ قايتتى.

«قازقۇرىلىسشىنى» كومپانيالار توبى ءوزىنىڭ وندىرىستىك اينەك شىعارۋدا جاڭا تەحنولوگيالاردى پايدالانۋ ارقىلى ەلىمىزدەگى الدىڭعى قاتارداعى ءوندىرىس يەسىنە اينالعانىنا كۋا بولعان قوناقتار الداعى ۋاقىتتا وسى يگى ىسپەن كوبىرەك اينالىسۋ كەرەكتىگى تۋرالى نيەت ءبىلدىرىپ، ءوز كەزەگىندە كومپانيانىڭ العا جىلجۋىنا كومەك كورسەتەتىنىن جەتكىزدى.

دەپۋتات س.سارسەنوۆ الەمدەگى وسى سالانىڭ مايتالماندارىمەن تەڭ دارەجەدە باسەكەگە تۇسە الاتىن، قازاقستاندىق ءونىمدى شىعاراتىن ءوندىرىس الدىندا تۇرعان ماسەلەلەردى پارلامەنتتە كوتەرەتىنىن اتاپ كەتتى.

سودان كەيىن قوناقتار «جۇلدىز» شاعىن اۋدانىندا ورنالاسقان الماتى قالاسى ءبىلىم باسقارماسىنىڭ كامەلەتكە تولماعان جاسوسپىرىمدەردى بەيىمدەۋ ورتالىعىنىڭ ماتەريالدىق-تەحنيكالىق بازاسىن كورىپ، جاسوسپىرىمدەرمەن، ورتالىق قىزمەتكەرلەرمەن سۇحباتتاستى.

كەزدەسۋ بارىسىندا ۇجىم باسشىلىعى تاعام بەرۋ مەن كيىم-كەشەكتىڭ ساپاسى سىن كوتەرمەيتىنىن جەتكىزدى. ولاردىڭ ايتۋىنشا، بۇعان سەبەپ بولىپ وتىرعان مەملەكەتتىك ساتىپ الۋ ارقىلى تەندەردى ۇتقان جەڭىمپاز ءوز ءونىمى مەن قىزمەت اقىسىن تومەندەتۋ ناتيجەسىندە وسىنداي اۋىر حالگە جەتتى. ونىڭ سالدارى ۇجىمداعى بالالاردىڭ دەنساۋلىعىنا قاتتى زيان كەلتىرەتىنى الاڭداتادى.

ورتالىقتاعى كەلەسى كەزەك كۇتتىرمەيتىن ماسەلەلەر - قىزمەتكەرلەردىڭ ەڭبەكاقىلارىنىڭ تومەندىگى، ماتەريالدىق-تەحنيكالىق بازانىڭ ەسكىرۋى، وسىنداعى جاسوسپىرىمدەردىڭ سالاۋاتتى مادەني شارالارعا قاتىسۋىنىڭ قولجەتىمسىزدىگى جانە وسىنىڭ بارلىعىنا مەملەكەتتەن بولىنەتىن ءتيىستى قاراجاتتىڭ ماردىمسىزدىعى ءسوز بولدى.

شارا سوڭىندا ەل اعاسى س. سارسەنوۆ «كوزىمىزبەن كورگەن اتالمىش مەكەمەلەردەگى تۇيتكىلدى ماسەلەلەردى دەپۋتاتتىق ساۋال جولداۋ ارقىلى پارلامەنت مىنبەرىندە كوتەرەتىن بولامىن» دەپ، ءوز ۋادەسىن بەردى.

ەندى الداعى اپتا ەنشىسىندە الىپ قالامىزداعى قارتتارىمىز بەن ارداگەرلەرىمىزدىڭ حال-جاعدايى جانە ەل بەكىنىسى - شەكاراشى ساربازداردىڭ تىنىس-تىرشىلىگىمەن تانىسۋ جوسپاردا تۇر.

ءسوز سوڭىندا دانىشپان حالقىمىزدا «اتادان جاقسى ۇل تۋسا، ەلىنىڭ قامىن جەيدى. اتادان جامان ۇل تۋسا، ەلىنىڭ مالىن جەيدى»، دەگەندەي وسىنداي ەلىنىڭ قامىن جەگەن، ءوز ۇلتىنا جاناشىر جاندار ەلىمىزدە كوپ بولسا ەكەن دەپ تىلەيمىن.

«اق جول» قدپ الماتى قالالىق فيليالى

توراعاسىنىڭ ورىنباسارى

داۋرەن مۇحامەدجانوۆ