«رۋحاني جاڭعىرۋ» باعدارلاماسى ەلىمىزدىڭ ءار تاسى مەن تاۋىن سۇيۋگە، قۇرمەتتەۋگە شاقىرادى. پاندەميا قازىرگى تاڭدا جاڭا مۇمكىندىكتەردى اشىپ وتىر. ول ىشكى تۋريزمگە جاڭا مۇمكىندىكتەر اشۋدا.

اتاپ ايتقاندا سىرتقا شىعۋ قىمبات ءارى قاۋىپتى، ال ىشكى تۋريزم ارزان، ءتيىمدى جانە ەڭ باستىسى قاۋىپسىز بولىپ قالۋدا. سوندىقتان دا «رۋحاني جاڭعىرۋ» اياسىنداعى ىشكى ءتۋريزمدى دامىتۋعا نەگىز بولاتىن «ساكرالدى قازاقستان» باعدارلاماسى مەن «كىشى اتامەكەن» باعدارلاماسى اياسىنداعى تابيعي مەكەندەر بۇگىنندە ۇلكەن قىزىعۋشىلىق تۋدىرۋدا. اسىرەسە الماتى وبلىسىنداعى 17 نىسان قازاقستاننىڭ كيەلى گەوگرافياسى تىزىمىنە ەنسە، وبلىستىق تىزىمگە ونىڭ 41-ءى ەنىپ، جاقسى دامۋدا. حالىق اراسىندا قۇرمەتكە يە مادەني مۇرا ەسكەرتكىشتەرى، كەسەنەلەر، تابيعي لاندشافتتار، ماڭىزدى ساياسي، تاريحي وقيعالارعا بايلانىستى ورىندار قازاقستاندىق، شەتەلدىك ساياحاتشىلار بەلسەندى تۇردە كەلەتىن ورىندارعا اينالدى.

الماتى وبلىسى «رۋحاني جاڭعىرۋ» ءوفيسىنىڭ ديرەكتورىنىڭ ورىنباسارى ەراسىل تولىمبەكۇلى بىلاي دەيدى. «ءبىزدىڭ بايقاۋىمىزشا: بۇرىن قازاقستاندىقتار ءىس-شارا ءتۋريزمىن كوبىرەك ۇناتاتىن جانە قالالار مەن اۋدانداردا وتەتىن ءتۇرلى ءىس-شارالارعا جاپپاي قۋانا باراتىن. پاندەميا باستالىپ، شەكارالار جابىلىپ، ءتىپتى ەل ىشىندە قوزعالىس قيىنداعاننان كەيىن كوپشىلىك تابيعاتپەن بىرلىككە ۇمتىلىپ، جاڭا دەمالىس ورىندارىن اشا باستادى. بىلايشا ايتقاندا، جاياۋ قاشىقتىقتا ءجۇرۋدى ادەتكە اينالدىردى. الماتى وبلىسىندا ارقايسىسىنىڭ وزىندىك تاريحى بار 17 اۋدان، ءۇش قالا بار. بيىلعى جىلى «رۋحاني جاڭعىرۋ» جوباسىنىڭ كەڭسەسىندە وبلىس اكىمدىگىنىڭ قولداۋىمەن «جەتىسۋ ءوڭىرىنىڭ اقىندارى – اڭىزدار» اتتى، «جەتىسۋ ءوڭىرى تۋرالى اڭىزدار، اڭگىمەلەر» كىتابىن شىعاردىق. قازاقستاندىقتار بالقاش، الاكول سياقتى ەڭ تانىمال دەمالىس ورىندارىنىڭ تاريحىن، ولاردىڭ اتاۋلارىن بىلۋگە ىنتالى بولادى دەپ ويلايمىن.

ۇلتتىق كيەلى نىساندار تىزىمىنە ەڭ تانىمال جەرلەر كىرەدى. حان-ءتاڭىرى شىڭى، شارىن شاتقالى، كولساي كولدەرى، اڭىراقاي، وربۇلاق شايقاستارى وتكەن تاريحي مەكەن، شارىن شاتقالى، «التىن ەمەل» مەملەكەتتىك ۇلتتىق تابيعي پاركى، سونىڭ ىشىندە ايعايقۇم، قاتۋتاۋ (جانارتاۋ جارتاستارىنان جاسالعان تاۋلار), كوكباستاۋ تراكتىندەگى شوقان ءۋاليحانوۆ بۇلاعىنا 1,3 ميلليونعا جۋىق ادام كەلدى. 2020 جىلى تۋريستەر سانى 800 مىڭعا دەيىن كۇرت تومەندەدى. ويتكەنى وعان دەيىن «اشىق» باعدارلاماسى، حالىقتى جاپپاي ەگۋ بولعان جوق. بىراق 2021 جىلدىڭ 9 ايىندا بۇل جەرلەرگە 1 ميلليون 800 مىڭ تۋريست كەلگەن. قوناقتاردىڭ ەڭ كوپ سانى كولساي كولدەرىندە بولعان» دەيدى ەراسىل تولىمبەكۇلى.

2017 جىلى اتى اڭىزعا اينالعان وربۇلاق شايقاسى بولعان جەرگە ەسكەرتكىش ورناتىلدى. شارا «تۋعان جەر» مەملەكەتتىك باعدارلاماسى اياسىندا جانە ەلباسى نۇرسۇلتان نازارباەۆتىڭ «رۋحاني جاڭعىرۋ» ماقالاسىندا ايتىلعان تاپسىرمالارعا سايكەس ءوتتى. ەسكەرتكىش QR-كودپەن جابدىقتالعان، ول ۇيالى تەلەفون ارقىلى سكانەرلەنگەندە شايقاس تۋرالى تولىق اقپارات بەرەدى.
تيان-شان شىرشاسىنان 19 عاسىردا ءبىر شەگەسىز تۇرعىزىلعان اتاقتى ساۋلەت كەشەنى جاركەنت مەشىتىن تاماشالاۋعا نيەت بىلدىرۋشىلەردىڭ لەگى دە ارتا ءتۇستى. پاندەميادا اتالمىش ورتالىق بارلىق تالاپقا ساي قىزمەت كورسەتتى.

Abai.kz