2017 جىلى 12 ساۋىردە ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسى جارىق كورىپ، وسى ماقالا نەگىزىندە «رۋحاني جاڭعىرۋ» باعدارلاماسى قابىلداندى. ماقالاسىندا ەلباسى كەلەشەگى زور، ۇلتتىق ساناسى جوعارى ءبىرتۇتاس ۇلت بولۋ ءۇشىن ناقتى قادامداردى كورسەتەدى.

ەلىمىزدىڭ دامۋ جولىندا رۋحاني جانە مادەني قۇندىلىقتارىمىزدى دارىپتەپ، بولاشاق ۇرپاقتىڭ ۇمىتپاۋىنا كۇش سالۋ ءبىزدىڭ نەگىزگى مىندەتتەرىمىزدىڭ ءبىرى. قازاقستان الەمدىك دامىعان 30 ەلدىڭ قاتارىنا كىرۋ ءۇشىن قانداي جوسپارلاردى جۇزەگە اسىرۋى كەرەك دەگەن ناقتى سۇراققا جاۋاپ بەرەدى. جوبانىڭ العا قويعان كوپ ماقساتتارىنىڭ ءبىرى قازاق ءتىلىن لاتىن الىپبيىنە كوشىرۋ بولدى. ءالىپبي اۋىستىرۋ وڭاي ىستەلەدىن شارۋا ەمەس. لاتىن ءالىپبيىنىڭ ءار ءتۇرلى نۇسقالارى جاسالىپ، كۇندەلىكتى قولدانىسقا از دا بولسا ەنىپ كەلەدى. 2025 جىلدان باستاپ ءالىپبيدى تولىقتاي اۋىستىرۋ كوزدەلگەن. وسى كەزگە دەيىن جازىلعان كوپ دۇنيە، ياعني باق ماتەريالدارى، كەڭسە قاعازدارى، قۇجاتتار، كىتاپ-جۋرنال ت.ب. لاتىن قارىپىمەن تەرىلەتىن بولادى. قازاق تىلىندە ءبىلىم كوكجيەگىن كەڭەيتۋگە باعىتتالعان «قازاق تىلىندەگى 100 وقۋلىق» جوباسى دا باستالعان بولاتىن. الەمگە تانىمال بولعان تاريح، فيلوسوفيا، پسيحولوگيا، مادەنيەتتانۋ، فيلولوگيا عىلىمدارىنا ارنالعان كىتاپتار مەن ادەبيەت جاۋھارلارىن وقىپ، مەملەكەتتىك ءتىلىمىزدىڭ دامۋىنا ۇلەس قوساتىن جوبىنىڭ ءبىرى بولدى. ەلباسى «ءبىزدىڭ الەۋمەتتىك جانە گۋمانيتارلىق ءبىلىمىمىز كوپتەگەن ۋاقىت بويى ءبىر عانا ءىلىمنىڭ شەڭبەرىندە قالىپ، ءبىر عانا كوزقاراستا قاراۋعا ءماجبۇر بولعانىمىزدى» ايتادى. ال «قازاقستاننىڭ 100 جاڭا ەسىمدەرى» جوباسى بولسا، ەلىمىزدىڭ تۇكپىر-تۇكپىرىنەن جينالعان ەلىمىزدىڭ دامۋىنا ۇلەس قوسىپ جۇرگەن بەتكە ۇستار ازاماتتار مەن ازاماتشالاردى ءبىر جيناق بەتىنە توپتاستىردى.

ونىمەن قوسا، «قازاقستاننىڭ كيەلى گەوگرافياسى» جوباسى، «تۋعان جەر» جوباسى، «جاھانداعى زاماناۋي قازاقستاندىق مادەنيەت» جوباسى قولعا الىنىپ، بۇگىندە ءوز جەمىسىن بەرىپ كەلەدى.

جاقىندا «رۋحاني جاڭعىرۋ» باعدارلاماسىنا جەكە تۇلعانى دامىتۋ باعىتى بويىنشا ارنايى جوبالار ەنگىزىلدى.

الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن ونلاين فورماتتا وتكەن "رۋحاني جاڭعىرۋ" باعدارلاماسىن ىسكە اسىرۋ جونىندەگى ساراپتامالىق كەڭەستىڭ وتىرىسىندا جوبا اياسىندا وتكەن 2021 جىلدىڭ 9 ايىنداعى جۇمىس قورىتىندىلاندى. وسى جيىندا جەكە تۇلعانى دامىتۋعا باعىتتالعان جوسپار جاريالاندى.

كەڭەس توراعاسى، قالا اكىمىنىڭ ورىنباسارى ەرجان باباقۇماروۆ "رۋحاني جاڭعىرۋ" باعدارلاماسىن ساپالى جۇزەگە اسىرۋ بويىنشا جۇمىستى كۇشەيتۋدى، "ەڭبەك – ەلدىڭ مۇراتى", "قۇقىقتىق مادەنيەت", "ۇنەم – قوعام قۋاتى", ء"داستۇر مەن عۇمىر"اتتى جاڭا ارنايى جوبالارعا ەرەكشە نازار اۋدارۋدى تاپسىردى. سونىمەن قاتار، قر تۇڭعىش پرەزيدەنتى – ەلباسى نۇرسۇلتان نازارباەۆتىڭ "الماتى قالاسىنداعى ۇلى دالانىڭ جەتى قىرى"ماقالاسىن ىسكە اسىرۋ جونىندەگى جوبالارعا مادەنيەت جانە ءبىلىم بەرۋ سالالارىنىڭ وكىلدەرىن تارتۋ مىندەتى قويىلدى. وتىرىستىڭ قورىتىندىسى بويىنشا ساراپتامالىق كەڭەستىڭ قۇرامىنا زياتكەرلىك دامۋ ەرەكشەلىكتەرى بار بالالارعا ارنالعان "الماتى قالاسىنىڭ قازاقستاندىق ارنايى وليمپياداسى" فيليالىنىڭ ديرەكتورى گۇلنار اسەمقۇلوۆانى، AlmaU ۋنيۆەرسيتەتىنىڭ پراكتيكا – پروفەسسورىن; ستۋدەنتتىك دامۋ ورتالىعىنىڭ باسشىسى ايدا جۇنىسباەۆانى; ك. بايسەيىتوۆا اتىنداعى دارىندى بالالارعا ارنالعان رەسپۋبليكالىق مامانداندىرىلعان مۋزىكالىق ورتا مەكتەپ-ينتەرناتىنىڭ ديرەكتورى باقتيار ابدىراشەۆتى ەنگىزۋ تۋرالى شەشىم ماقۇلداندى.

ەستەرىڭىزگە سالا كەتەيىك، الماتى قالاسى اكىمدىگىنىڭ جانىنداعى "رۋحاني جاڭعىرۋ" باعدارلاماسىن جۇزەگە اسىرۋ جونىندەگى ساراپتامالىق كەڭەس – كونسۋلتاتيۆتىك-كەڭەسشى ورگان ءوز قىزمەتىن 2017 جىلدان باستاپ اتقارىپ كەلەدى. باعدارلامانى جۇزەگە اسىرۋعا جوبالىق كەڭسەمەن بىرگە بارلىق تىلەك بىلدىرۋشىلەر قوسىلا الادى.

Abai.kz