پوليتسەيلەردىڭ جالاقىسى وسەدى
2023 جىلعا دەيىن پوليتسەيلەردىڭ جالاقىسى كەزەڭ-كەزەڭىمەن 50-دەن 90 پايىزعا دەيىن كوتەرىلەدى. بۇل تۋرالى ىشكى ىستەر ءمينيسترى ەرلان تۇرعىمباەۆ ايتتى.
ۇكىمەت ساعاتىندا مينيستر پوليتسيا قىزمەتكەرلەرىنىڭ جالاقىسى تومەن ەكەنىن اتاپ ءوتتى. 2019 جىلدان باستاپ ىشكى ىستەر مينيسترلىگى قىزمەتكەرلەردىڭ جالاقىسىن كەزەڭ-كەزەڭىمەن كوتەرۋدى باستادى.
2023 جىلعا دەيىن سەرجانتتىڭ جالاقىسى 81-دەن 101 مىڭ تەڭگەگە دەيىن، ال لەيتەنانتتىڭ جالاقىسى 130-دان 174 مىڭ تەڭگەگە دەيىن وسەدى.
سونداي-اق ول پوليتسەيلەردىڭ الەۋمەتتىك كەپىلدىكتەرى جاقسارىپ كەلە جاتقانىن ايتتى: ەندى پوليتسيا قىزمەتكەرلەرى دە اسكەريلەر سياقتى پاتەر الا الادى. پوليتسيا قىزمەتكەرلەرىنىڭ 72 پايىزى جەڭىلدىكتەر مەن پرەفەرەنتسيالاردى پايدالانادى. قازا تاپقان پوليتسەيلەردىڭ وتباسىلارىنا دا كومەك كورسەتىلۋدە. ىشكى ىستەر مينيسترلىگىن رەفورمالاۋ 2018 جىلى باستالعان بولاتىن.
Abai.kz
