قىزدىڭ ارىن اقشاعا ساتىپ الىپ، سوڭىندا پوليتسەيلەردى كىنالايتىندار كويىپ بارادى!
قىز زورلاندى دەسە جانىمىز قالماي، كومەك بەرگىمىز كەلىپ تۇرادى! كەيدە ءبىزدىڭ كومەگىمىزدى جەكە باستارىنا پايدالانعىسى كەلىپ تۇراتىندار كوبەيگەن!
قىزدارىنىڭ قورلانعاندارىنا جانى كۇيىپ تۇرعان ەمەس، قارسى تاراپتان اقشا الىپ قالسام دەپ ەسەپتەپ تۇرعانداردى دا كوردى مىنا ەكى كوزىم.
ءوز قىزدارىنىڭ ءتانىن ساۋداعا سالىپ، جاعدايىن تۇزەپ العىسى كەلىپ تۇرعان ادامداردى كورگەندە، مىنانداي ادامداردىڭ ءسوزىپ سويلەپ تۇرعانىڭا نامىستانادى ەكەنسىڭ!
ءبىر ەمەس بىرنەشە رەت پوليتسيا قىزمەتكەرلەرىنىڭ ياعني تەرگەۋشىلەردىڭ الدىندا باسىم تومەن قاراعان كەز بولعان.
ءبىر كۇنى “قىزىمدى ۇرلاپ اكەتىپ زورلادى ، پوليتسيا ءىستى جاۋىپ تاستاپ جاتىر ويباي”، دەپ جىلاعان اناعا كومەك بەرۋگە بارعانمىن.
الدىمنان شىققان تەرگەۋشى جاس جىگىت شىرىلداپ ءجۇر “ ايگۇل حانىم مەنىڭ دە قارىنداسىم بار عوي، مەن دە اقىماق ەمەسپىن عوي “، دەپ!
سوڭىندا قىز ول جىگىتپەن قىدىرىپ، قول ۇستاسىپ شىمكەنت پلازاعا بارىپ، بۋرگەر جەپ، پاتەرگە ءوز ەركىمەن كىرىپ بارا جاتقان ۆيدەولارىن كورگەندە، قىزدىڭ اناسىنىڭ بەتىنە قاراپ ۇيالمايسىز با ؟-دەپ وزىنە ۇرىستىم.
مىنا تەرگەۋىشى بالادا بىرەۋدىڭ ءۇمىت كۇتىپ وتىرعان بالاسى عوي، زورلاعان جىگىت پەن قوسا تەرگەۋشى بالاعا دا كەسىرىڭدى تيگىزگەنشە قىزىڭا دۇرىستاپ يە بول، جاقسىلاپ تاربيەلە، ءوزىڭىزدى ەل الدىنا ايمانداي قىلىپ شىعارۋ كەرەك دەپ اشۋلاندىم.
“قانشا بەرە الادى بەرسىن سونىمەن ارىزىم جوق “،دەگەندە مىنا اينالىپ جاتقان جەردى توقتاتىڭدارشى، ءتۇسىپ قالايىن دەپ ايقايلاعىم كەلدى.
قوعامدا وسىنداي تۇسىنىگى بار ادامدارمەن تۇرىپ جاتقانىم ءۇشىن قاتتى نالىدىم!
ءومىر ساباق، ايقايلاپ جىلاعاننىڭ ءبارى ءالسىز ەمەس، اكتەرلەر ەكەنىن دە بىلە جۇرىڭىزدەر!
ال پوليتسەيلەردىڭ ىشىندە ءوز قىزمەتىنە، ءوز وتانىنا ادال قىزمەت ەتەتىندەر بار!

ايگۇل ورىنبەك

Abai.kz