ەرەۆاننىڭ ورتالىعىندا «ارمەنيا» بلوگى جالپىۇلتتىق قارسىلىق قوزعالىسىنىڭ باستالعانىن جاريالادى. ارمەنيانىڭ ەكس-پرەزيدەنتى روبەرت كوچاريان باستاعان ساياسي بىرىگۋدىڭ اۋقىمدى شاراسى 2020 جىلدىڭ كۇزىندە قاراباقتاعى سوعىستىڭ اياقتالعانىنىڭ ءبىر جىلدىعىنا ورايلاستىرىلعان. اكتسيا ءبىر مينۋت ۇنسىزدىكپەن باستالدى. قاتىسۋشىلار 44 كۇنگە سوزىلعان سوعىستا قازا تاپقانداردى ەسكە الدى.

پارلامەنت سپيكەرىنىڭ ورىنباسارى، «ارمەنيا» فراكتسياسىنىڭ دەپۋتاتى، «داشناكتسۋتيۋن» جوعارعى ورگانىنىڭ وكىلى يشحان ساگاتەليان جينالعاندارعا كۇرەس ۇزاققا سوزىلاتىنىن، «ارمەنيا» بلوگىنىڭ شتاب-پاتەرى بارلىق ايماقتاردا اشىلاتىنىن ايتتى. ول كەز كەلگەن ارمياننىڭ ۇلتتىق قوزعالىسقا مۇشە بولا الاتىنىن دا جاسىرمادى. جاقىن ارادا شتابتىڭ مەكەن-جايلارى تۋرالى تولىق اقپاراتتى تاراتامىز دەپ وتىر.

قوزعالىس ىشكى جانە سىرتقى دەپ ەكىگە ءبولىنىپ، ەل ىشىندە جانە شەتەلدە جۇمىس ىستەمەك. ماقساتى پاشينيان بيلىگىن تاقتان تايدىرۋ.

Abai.kz