مينيسترلەر كابينەتىنىڭ وتىرىسىندا قارجى مينيسترلىگىنىڭ باسشىسى ەرۇلان جاماۋباەۆ جىل باسىنان بەرى جۇرگىزىلگەن تەكسەرۋلەردىڭ قورىتىندىسى بويىنشا 35 مىڭ مەملەكەتتىك ساتىپ الۋ ءتارتىبىن بۇزۋ فاكتىلەرى انىقتالعانىن ايتتى.

مينيستر جىل باسىنان بەرى كامەرالىق باقىلاۋمەن جالپى سوماسى 6,2 ترلن تەڭگەگە 758 مىڭعا جۋىق مەملەكەتتىك ساتىپ الۋ ءراسىمى قامتىلعانىن ايتتى.

«تەكسەرۋ ناتيجەلەرى بويىنشا 35 مىڭ پروتسەدۋرادا بۇزۋشىلىقتار انىقتالدى، ونىڭ ىشىندە مەملەكەتتىك اۋديت وبەكتىلەرى بۇزۋشىلىقتاردى جويۋ تۋرالى حابارلامالاردىڭ 98%-ىن ورىنداعان. بارلىعى 2765 اۋديتورلىق ءىس-شارا وتكىزىلدى. تەكسەرىسپەن 1 ​​تريلليون 765 ميلليارد تەڭگە بيۋدجەت قاراجاتى قامتىلدى. 156 ملرد تەڭگەگە قارجىلىق بۇزۋشىلىقتار انىقتالدى», - دەپ تولىقتىردى جاماۋباەۆ.

اۋديتورلىق نىسانداردىڭ جۇمىسىن جاقسارتۋ جانە تيىمدىلىگىن ارتتىرۋ بويىنشا 2,4 مىڭ ۇسىنىس بەرىلگەن. بۇعان دەيىن جاماۋباەۆ قازاقستاننىڭ اكىمدىكتەرى مەن مينيسترلىكتەرى 96 ملرد تەڭگەنى يگەرمەگەنىن ايتقان بولاتىن.

Abai.kz