قازاقستان رەسپۋبليكاسىنىڭ ەنەرگەتيكا ءمينيسترى، قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى، قازاقستان رەسپۋبليكاسىنىڭ قارجى ءمينيسترى جانە قازاقستان رەسپۋبليكاسىنىڭ ىشكى ىستەر ءمينيسترى  ەلدەن بەنزين مەن ديزەل وتىنىن ەكسپورتتاۋعا تىيىم سالۋ تۋرالى بىرلەسكەن بۇيرىققا قول قويدى. 

«اۆتوموبيل ءوندىرۋشىسى ۇسىنعان جانار-جاعارمايلاردى جانە گاز تسيستەرنالارىندا اكەتۋدى قوسپاعاندا، قازاقستان اۋماعىنان اۆتوموبيل كولىگىمەن بەنزيندى، ديزەل وتىنىن جانە مۇناي ونىمدەرىنىڭ جەكەلەگەن تۇرلەرىن شىعارۋعا 6 اي مەرزىمگە تىيىم سالىنادى»، - دەلىنگەن قۇجاتتا.

بۇيرىق 2021 جىلعى 21 قاراشادان باستاپ كۇشىنە ەنەدى. 14 قازاندا ەلوردا تۇرعىندارى سۇيىتىلعان گاز تاپشىلىعىنا تاپ بولعانىن جازعان ەدى.

قازاننىڭ 12-ءسى كۇنى ەنەرگەتيكا ۆيتسە-ءمينيسترى اسەت ماعاۋوۆ سۇيىتىلعان گازدى وتىن رەتىندە پايدالاناتىن كولىكتەر سانىمەن بىرگە ونى تۇتىنۋ دا ارتقانىن ايتتى. ەنەرگەتيكا مينيسترلىگىنىڭ مالىمەتىنشە، ەلىمىزدىڭ ىشكى نارىعى اي سايىن 145 مىڭ توننا گاز تۇتىنسا، وندىرۋشىلەر 120 مىڭ توننا گازدى جەتكىزەدى. سونىڭ سالدارىنان اي سايىنعى گاز تاپشىلىعى شامامەن 25 مىڭ توننانى قۇرايدى.

Abai.kz