«ەلدىڭ ەسى كەتسە، جەردىڭ كيەسى كەتەدى» دەگەندەي، بازبىرەۋلەر  اتىراۋ قالاسىنداعى  اباي اتىنداعى الاڭدى كوممەرتسيالىق ماقساتپەن پايدالانۋ ءۇشىن بەتونمەن قورشاپ ۇلگەردى.   اباي الاڭى اتىراۋدىڭ قاق تورىندە ورنالاسقان. وسى الاڭدى قورشاپ كافەگە اينالدىرۋ جالپى كوممەرتسيالىق تۇرعىدان قاراعاندا وتە رەنتابەلدى. الايدا، رەنتابلدى، ياعني پايدالى ەكەن دەپ امەريكادا لينكولن الاڭىنا نەمەسە رەسەيدە پۋشكين الاڭىنا كافە سالۋ ەشكىمنىڭ ويىنا كەلمەيتىن شىعار.  ونىڭ ۇستىنە ناقۇرىستىق يدەيالارعا بيلىك رۇقسات بەرمەيدى دە.

اباي - بۇل قازاق. قازاق بۇل - اباي. ابايدى ۇمىتقان قازاق - شالا قازاق. تازالىق يماننىڭ جارتىسى بولسا، بىزدە اباي - قازاقتىڭ جارتىسى. اباي - بىلمەگەنگە مارجان، بۇلاق باسى. بىلگەنگە نۇر، جول كورسەتەر جۇلدىزى. ءتىپتى اباي ويلارىن ساياسي كۇرەسكە پايدالانىپ جۇرگەن ورىس سولشىلدارىنىڭ ىسىندە دە ۇلكەن گاپ جاتىر. اباي ءوز زامانىنىڭ پروگرەسسيۆتى ادامى بولعان. ونىڭ باتىسقا بەت بۇرۋى قاشاندا سول زاماننىڭ يستەبليشمەنتىنە قاۋىپ تۋدىرىپ وتىرعان. قازاق وزگەرگەن جوق. اباي يستەبليشمەنتكە قازىر دە قاۋىپتى. اباي - پروگرەسستىڭ، وڭالۋدىڭ، دامۋدىڭ، دەموكراتيانىڭ، رۋحاني جاڭارۋدىڭ سيمۆولى. بۇگىنگى ورىس سولشىلدارى ابايدىڭ سونداي بولعانىنتۇسىنىپ، ونى قارسىلىقتىڭ سيمۆولى رەتىندە پايدالانىپ وتىر. ولاي ەمەس دەيىن دەسەڭ، ناۆالنىيعا ابايدىڭ ەسكەرتكىشىنەن باسقا ماسكەۋدە جەر جەتپەي قالىپ پا؟..

«ەلدىڭ ەسى كەتسە، جەردىڭ كيەسى كەتەدى» دەگەندەي، بازبىرەۋلەر  اتىراۋ قالاسىنداعى  اباي اتىنداعى الاڭدى كوممەرتسيالىق ماقساتپەن پايدالانۋ ءۇشىن بەتونمەن قورشاپ ۇلگەردى.   اباي الاڭى اتىراۋدىڭ قاق تورىندە ورنالاسقان. وسى الاڭدى قورشاپ كافەگە اينالدىرۋ جالپى كوممەرتسيالىق تۇرعىدان قاراعاندا وتە رەنتابەلدى. الايدا، رەنتابلدى، ياعني پايدالى ەكەن دەپ امەريكادا لينكولن الاڭىنا نەمەسە رەسەيدە پۋشكين الاڭىنا كافە سالۋ ەشكىمنىڭ ويىنا كەلمەيتىن شىعار.  ونىڭ ۇستىنە ناقۇرىستىق يدەيالارعا بيلىك رۇقسات بەرمەيدى دە.

اباي - بۇل قازاق. قازاق بۇل - اباي. ابايدى ۇمىتقان قازاق - شالا قازاق. تازالىق يماننىڭ جارتىسى بولسا، بىزدە اباي - قازاقتىڭ جارتىسى. اباي - بىلمەگەنگە مارجان، بۇلاق باسى. بىلگەنگە نۇر، جول كورسەتەر جۇلدىزى. ءتىپتى اباي ويلارىن ساياسي كۇرەسكە پايدالانىپ جۇرگەن ورىس سولشىلدارىنىڭ ىسىندە دە ۇلكەن گاپ جاتىر. اباي ءوز زامانىنىڭ پروگرەسسيۆتى ادامى بولعان. ونىڭ باتىسقا بەت بۇرۋى قاشاندا سول زاماننىڭ يستەبليشمەنتىنە قاۋىپ تۋدىرىپ وتىرعان. قازاق وزگەرگەن جوق. اباي يستەبليشمەنتكە قازىر دە قاۋىپتى. اباي - پروگرەسستىڭ، وڭالۋدىڭ، دامۋدىڭ، دەموكراتيانىڭ، رۋحاني جاڭارۋدىڭ سيمۆولى. بۇگىنگى ورىس سولشىلدارى ابايدىڭ سونداي بولعانىنتۇسىنىپ، ونى قارسىلىقتىڭ سيمۆولى رەتىندە پايدالانىپ وتىر. ولاي ەمەس دەيىن دەسەڭ، ناۆالنىيعا ابايدىڭ ەسكەرتكىشىنەن باسقا ماسكەۋدە جەر جەتپەي قالىپ پا؟..

«ۇيدەگى كوڭىلدى بازارداعى نارىق بۇزادى» دەگەندەي، رۋحاني مۇددەمىزگە بىرەۋلەردىڭ «نارىقتىق ويى» كولدەنەڭ كەلۋدە. اباي الاڭىن قورشاعان سوڭ ناعىز ۇلتتىق بايلىقتان ايىرىلدىق دەي بەرىڭىز. كەتكەن بايلىقتى قايتارا الماساق تا، قالعان بايلىققا يە بولۋعا بولادى. بىراق قالعان بايلىققا يە بولۋ ءۇشىن، وسى مەملەكەتتى ساقتاپ قالۋ ءۇشىن الدىمەن ەس كەرەك قوي. ەگەر قازاق ابايدى جوعالتسا ەستى قايدان الماق؟ قالانىڭ قاق ورتاسىندا پروگرەسستى ەسكە سالىپ تۇراتىن اباي الاڭى جىن-ويناققا اينالسا، ول ەستى تاباتىن اقىل قايدان كەلمەك؟ ويلانايىق، اعايىن!

سۋرەتتەردى تۇسىرگەن اۆتور.

«اباي-اقپارات»