بىردە جۇما نامازدان شىقسام 3-4 جىگىت قول كوتەرىپ تۇر ەكەن. جولىمىز ءبىر بولعان سوڭ الا سالدىم. الدىنا وتىرعان جىگىتتىڭ سول كەزدەگى اۋىر اتلەتيكادان الەم چەمپيونى جاسۇلان قىدىرباەۆ ەكەنىن بىردەن تانىدىم. اڭگىمە اراسىندا "دوپينگپەن قالاي ۇستالىپ قالدىڭ" دەپ سۇرادىم. ول ءبىرىنشى دوپينگپەن ۇستالعان ۋاقىتى ەدى. "برات ول ءجاي ساياسات قوي" دەدى.

اناۋ-مىناۋدى ايتىپ وتىرىپ، "سەن قاي كومانداداسىڭ" دەپ سۇرادىم. "نە ول" دەدى. ء"نيدىڭ كومانداسىنداسىڭ با، الدە يليانىڭ با" دەپ سۇرادىم. ول كەزدە يليانىڭ داڭقى جەر جارىپ 2 دۇركىن وليمپيادا چەمپيونى بولىپ تۇرعان كەزى ەدى. بىراق تا اۋىر اتلەتيكادان سپورتشىلاردىڭ ەكىگە ءبولىنىپ كەتكەنىنەن حاباردار بولاتىنمىن. قازىرگىدەي كۇنىگە 1 ساعاتتى فەيسبۋكقا ەمەس سپورتس.كز، ۆەستي كز، قازاقشا سپورت سايتتارىنا ارنايتىنمىن. ىشىندەگى جاڭا ماقالالاردى كوممەنتتەرىمەن قوسا وقيتىنمىن. سودان جاسۇلان ماعان قاراپ "برات سەن سپورت ءجۋرناليستى ەمەسسىڭ با" دەدى. "جوق" دەسەم، "ىشكى كۋحنيانى قايدان بىلەسىڭ" دەپ قويادى.

اۋىلداردى بىلمەيمىن، قالاداعى تاكسيستتەردىڭ جارتىسىنىڭ نەگىزگى جۇمىستارى بار-اۋ. ءبىر ايلىق جەتپەگەن سوڭ بوس ۋاقىتىندا تاكسانى دا ۇرا بەرەدى.

سابيت رىسباەۆ

Abai.kz