سىبايلاس جەمقورلىققا قارسى مادەنيەتتى قالىپتاستىرۋ جانە نىعايتۋ، سونداي-اق زاماناۋي تالاپتاردا پاراساتتى تۇلعانى دامىتۋ ماقساتىندا الماتى وبلىسى بويىنشا سىبايلاس جەمقورلىققا قارسى قىزمەت دەپارتامەنتى وبلىستىق جاستار ساياساتى ماسەلەلەرى جونىندەگى باسقارماسىنىڭ قولداۋمەن جوبالار بايقاۋىن وتكىزۋدە.

وتىنىمدەر 2021 جىلدىڭ 13 قازان جانە 15 قاراشا ارالىعىندا قابىلداندى. جەڭىمپازداردى انىقتاۋ كەزىندە ەگىزگى يدەيانىڭ ەرەكشەلىگى جانە ونىڭ جۇمىس ناتيجەسىندە اشىلۋى نازارعا الىنادى. بايقاۋعا ستۋدەنتتەردىڭ سىبايلاس جەمقورلىققا قارسى كۇرەستىڭ جاڭا ادىستەرىن، سونىڭ ىشىندە تسيفرلىق تەحنولوگيالار، ءموبيلدى قوسىمشالار ارقىلى ۇسىناتىن جوبالارى ازىرلەندى. جالپى بايقاۋعا وبلىسىمىزدىڭ 50 استام ستۋدەنتى قاتىستى. دەپارتامەنت باسشىسىنىڭ ءبىرىنشى ورىنباسارى ج. جۇماباەۆ – ءار ادامنىڭ بويىندا ادالدىق پەن ادامگەرشىلىك قاسيەتى ارقاشان تابىلا بىلسە، بۇل قوعامدا جايسىز وقيعالار مەن جەمقورلىقتى بولدىرمايدى دەپ اتاپ كەتتى.

ۇسىنىلعان جوبالاردىڭ ىشىندە جۇلدەلى ورىندار كەلەسىدەي ءبولىندى، ءبىرىنشى ورىندى - ەسيمجانوۆا ەركەجان يەلەندى، ەكىنشى ورىندى – دانيارقىزى مەدينا، ال ءۇشىنشى ورىندى نۇراحمەتوۆ دياس يەمدەندى.

ستۋدەنتتەردىڭ جۇمىستارى جاقىن ارادا قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتتىڭ رەسمي سايتىندا جاريالاناتىن بولادى.

Abai.kz