تۇماندى البيوندا وتكەن ححح جازعى وليمپيادا ويىندارىنا   سىر وڭىرىنەن باق سىناۋعا اتتانعان يليا ءيليننىڭ جەڭىسىن بارشا ەلمەن قوسا، ءوز اتىنداعى سپورت الاڭى دا تىلەپ قالعان بولاتىن.

بارلىعىڭىز بىلەسىزدەر،  بەيجىڭ وليمپياداسىندا  الدىنا جان سالماعان زىلتەمىرشى ەلگە التىنمەن ورالعان بولاتىن. ءسويتىپ، كەلە سالىسىمەن تۋعان جەرى قىزىلوردا قالاسىنىڭ ورتالىعىندا بوس جاتقان الاڭقايدى قورشاتىپ، ىشىنە جۇمساق توسەنىشتى فۋتبول الاڭى، تۋرنيك، اتكەنشەك جانە وزگە دە بالالار وينايتىن قۇرىلعىلار قويعىزىپ  ءوز قارجىسىنا سپورت الاڭىن سالدىردى.

مىنە، سول ادەمى قۇرىلىسىتىڭ بۇگىندە كۇيى كەتىپ، فۋتبول الاڭىنداعى جۇمساق توسەنىشتەر شۇرىق تەسىك بولىپ، ورتاسىنا سالىنعان جالعىز اياق جولدىڭ پليتالارى شاشىلىپ، اتكەنشەكتەردىڭ تەربەلەتىن بولىكتەرى جۇلىنىپ، بالالار وينايتىن قۇرىلعىلاردىڭ كەيبىرى جوق بولىپ، ارىقتارى كومىلىپ جاتىر. ال، اعاشتار بولسا، سۋدىڭ جوقتىعىنان قۋراي باستاعان. «جىلجىپ كەتكەن جولدار، سۋسىز ارىقتار مەن سۋىرعان قۇم سپورت الاڭىنىڭ تىنىسىن تارىلتىپ تۇر. تەك كەشە يليا سايىسقا شىعار كەزدە عانا جاستار توبى وسى جەردە ءىس-شارا وتكىزىپ، ءىشىنىڭ ەكى-ءۇش جىلدان بەرى الىنباي جاتقان قوقىسىن شىعاردى، تالدارىن اكتەدى»،- دەيدى سول جەردەگى تۇرعىندار.

تۇماندى البيوندا وتكەن ححح جازعى وليمپيادا ويىندارىنا   سىر وڭىرىنەن باق سىناۋعا اتتانعان يليا ءيليننىڭ جەڭىسىن بارشا ەلمەن قوسا، ءوز اتىنداعى سپورت الاڭى دا تىلەپ قالعان بولاتىن.

بارلىعىڭىز بىلەسىزدەر،  بەيجىڭ وليمپياداسىندا  الدىنا جان سالماعان زىلتەمىرشى ەلگە التىنمەن ورالعان بولاتىن. ءسويتىپ، كەلە سالىسىمەن تۋعان جەرى قىزىلوردا قالاسىنىڭ ورتالىعىندا بوس جاتقان الاڭقايدى قورشاتىپ، ىشىنە جۇمساق توسەنىشتى فۋتبول الاڭى، تۋرنيك، اتكەنشەك جانە وزگە دە بالالار وينايتىن قۇرىلعىلار قويعىزىپ  ءوز قارجىسىنا سپورت الاڭىن سالدىردى.

مىنە، سول ادەمى قۇرىلىسىتىڭ بۇگىندە كۇيى كەتىپ، فۋتبول الاڭىنداعى جۇمساق توسەنىشتەر شۇرىق تەسىك بولىپ، ورتاسىنا سالىنعان جالعىز اياق جولدىڭ پليتالارى شاشىلىپ، اتكەنشەكتەردىڭ تەربەلەتىن بولىكتەرى جۇلىنىپ، بالالار وينايتىن قۇرىلعىلاردىڭ كەيبىرى جوق بولىپ، ارىقتارى كومىلىپ جاتىر. ال، اعاشتار بولسا، سۋدىڭ جوقتىعىنان قۋراي باستاعان. «جىلجىپ كەتكەن جولدار، سۋسىز ارىقتار مەن سۋىرعان قۇم سپورت الاڭىنىڭ تىنىسىن تارىلتىپ تۇر. تەك كەشە يليا سايىسقا شىعار كەزدە عانا جاستار توبى وسى جەردە ءىس-شارا وتكىزىپ، ءىشىنىڭ ەكى-ءۇش جىلدان بەرى الىنباي جاتقان قوقىسىن شىعاردى، تالدارىن اكتەدى»،- دەيدى سول جەردەگى تۇرعىندار.

وسى ارادا ايتا كەتەيىك، قالا باسشىلىعى قالا ورتالىعىنداعى جوندەلگەنىنە كوپ بولماعان، جۇرۋگە جارامدى داڭعىلداردى قايتا جاڭالاۋدان جالىعار ەمەس. الايدا،  سۋ، كارىز جولدارى  جول اسفالتتالىپ بولعاننان كەيىن جارىلىپ، كەشە عانا اسفالتتاعان جولدى قايتا اۋدارىپ سالۋعا ءماجبۇر ەتەدى.

ارينە، ءبىز قالاداعى كوزاپارا ىستەردىڭ كوپتىگىنە مويىنۇسىنعانبىز. سونىڭ سالقىنى  يليا يلين اتىنداعى سپورت الاڭىنا دا ءتيىپ تۇر. سوندىقتان ءتىلسىز عانا مۇڭايعان سپورت الاڭى يليا قارسىلاستارىن باسىپ وزعان ساتتە ەلمەن بىرگە شەكسىز قۋانعان شىعار. تەك ءتىلسىز، ءسوزسىز بولعان سوڭ ايتا المادى.

ءساتىن سالسا، زىلتەمىرشى جەرلەسىمىز ەندى ءوز اتىنداعى سپورت الاڭىن قايتا جاڭالار، ءسويتىپ سپورت الاڭىنىڭ تىلەگى ورىندالىپ، ماڭدايى اشىلار دەپ ويلايمىز. الايدا، سول الاڭدى قايتا قۇلپىرتپاس بۇرىن الداعى ءۇش-ءتورت جىل بويى قاراۋسىز قالماۋىن  ويلاستىرۋ الدىمەن قاجەت سياقتى.

«اباي-اقپارات»