رەسەيدىڭ كەمەروۆو وبلىسى بەلوۆ قالاسىنداعى كومىر شاحتاسىندا جارىلىس بولىپ، سوڭى ورتكە ۇلاسقان وقيعادان 11 ادام قازا بولىپ، 43 كەنشى زارداپ شەككەن.

مەديتسينالىق اپات ورتالىعىنىڭ ايماقتاعى بولىمشەسىنىڭ اقپاراتىنا قاراعاندا، زارداپ شەككەندەردىڭ بارلىعى ورتەنگەن زاتتاردىڭ يىسىنەن ۋلانعان.

اپات بولان كەزدە شاحتادا كەمى 287 ادام بولعان، 236-سى ەۆاكۋاتسيالانعان. 35 ادام ىزدەستىرىلىپ جاتىر.

"ولار ءوز بەتىنشە جەر ۇستىنە شىعۋى مۇمكىن" دەدى شاحتا اكىمشىلىگى "ينتەرفاكس" اگەنتتىگىنە.

جارىلىس تەرەڭدىگى 250 مەتر جەردە بولعان. جارىلىسقا جابدىقتار اقاۋى مەن تابيعي جاعداي سەبەپ بولۋى مۇمكىن دەگەن بولجام ايتىلادى.

Abai.kz