اتىراۋدا قازاق جانە قىتاي جۇمىسشىلارى اراسىندا توبەلەس بولىپتى. ازاتتىق راديوسىنىڭ جازۋىنا قاراعاندا، قازاقتار، ياعني، «ەۆرازيا ستروي كاپيتال 2007» كومپانياسىنىڭ جۇمىسشىلارى تامىزدىڭ 14-ءى كۇنى كەشكە قاراي جۇمىستان شىققان كەزدەرىندە قىتايلىقتاردىڭ جابىلىپ ۇرعانىن ايىپتى.

اقىرى، قىتايلار: ««ۇرىڭدار قازاقتاردى، قىرىڭدار!» دەپ قىتايشا ايقايلاپ، ەكى قازاقتى ساباپ، ونىڭ بىرەۋىنە ارا تۇسكەن قازاقتى جانە ۇرىپ، قاشىپ قۇتىلعان قازاقتاردىڭ ارتىنان تاس اتقان ەكەن.

توبەلەستەن كەيىن قىتايلىق Sinopec Engineering كومپانياسىنىڭ مەردىگەرى «ەۆرازيا ستروي كاپيتال 2007» كومپانياسى جۇمىستى توقتاتىپ، قازاق جۇمىسشىلارىن بالىقشى ىقشام اۋدانىنا كوشىرۋ جۇمىستارىن باستاعان.

ازاتتىق ءتىلشىسىنىڭ جازۋىنشا، مۇندا جۇمىس ىستەيتىن قازاقتاردىڭ دەنى - شىعىس قازاقستانعا قىتايدان كوشىپ كەلگەن قانداستارىمىز ەكەن.

تاياق جەگەن قازاقتىڭ ءبىرى كومپانيادا ەشبىر قۇجاتسىز 100-گە تارتا قىتايلىقتاردىڭ جۇمىس ىستەيتىنىن ءارى توبەلەستەن كەيىن ولاردى ارتقا ەسىكتەن شىعارىپ، باسقا جاققا الىپ كەتكەن دەپتى.

ەڭ سوراقىسى، قىتايلىق كومپانيا توبەلەستى قازاق جۇمىسشىلارىنا جاۋىپ جاتقان كورىنەدى.

امبەسى، مۇنداعى قازاق جانە قىتاي جۇمىسشىلارى اراسىندا جالاقى تەڭسىزدىگى بار ەكەن. ءتىپتى، قازاقتاردىڭ زەينەتاقى قورىنا ءالى كۇنگە ءبىر تيىن اۋدارىلماپتى. ءارى قازاقتار جۇمىستىڭ ەڭ اۋىرىن دەمالىسسىز ىستەيمىز دەپ جىلارمان ءحالىن جەتكىزىپتى.

اتىراۋدا قازاق جانە قىتاي جۇمىسشىلارى اراسىندا توبەلەس بولىپتى. ازاتتىق راديوسىنىڭ جازۋىنا قاراعاندا، قازاقتار، ياعني، «ەۆرازيا ستروي كاپيتال 2007» كومپانياسىنىڭ جۇمىسشىلارى تامىزدىڭ 14-ءى كۇنى كەشكە قاراي جۇمىستان شىققان كەزدەرىندە قىتايلىقتاردىڭ جابىلىپ ۇرعانىن ايىپتى.

اقىرى، قىتايلار: ««ۇرىڭدار قازاقتاردى، قىرىڭدار!» دەپ قىتايشا ايقايلاپ، ەكى قازاقتى ساباپ، ونىڭ بىرەۋىنە ارا تۇسكەن قازاقتى جانە ۇرىپ، قاشىپ قۇتىلعان قازاقتاردىڭ ارتىنان تاس اتقان ەكەن.

توبەلەستەن كەيىن قىتايلىق Sinopec Engineering كومپانياسىنىڭ مەردىگەرى «ەۆرازيا ستروي كاپيتال 2007» كومپانياسى جۇمىستى توقتاتىپ، قازاق جۇمىسشىلارىن بالىقشى ىقشام اۋدانىنا كوشىرۋ جۇمىستارىن باستاعان.

ازاتتىق ءتىلشىسىنىڭ جازۋىنشا، مۇندا جۇمىس ىستەيتىن قازاقتاردىڭ دەنى - شىعىس قازاقستانعا قىتايدان كوشىپ كەلگەن قانداستارىمىز ەكەن.

تاياق جەگەن قازاقتىڭ ءبىرى كومپانيادا ەشبىر قۇجاتسىز 100-گە تارتا قىتايلىقتاردىڭ جۇمىس ىستەيتىنىن ءارى توبەلەستەن كەيىن ولاردى ارتقا ەسىكتەن شىعارىپ، باسقا جاققا الىپ كەتكەن دەپتى.

ەڭ سوراقىسى، قىتايلىق كومپانيا توبەلەستى قازاق جۇمىسشىلارىنا جاۋىپ جاتقان كورىنەدى.

امبەسى، مۇنداعى قازاق جانە قىتاي جۇمىسشىلارى اراسىندا جالاقى تەڭسىزدىگى بار ەكەن. ءتىپتى، قازاقتاردىڭ زەينەتاقى قورىنا ءالى كۇنگە ءبىر تيىن اۋدارىلماپتى. ءارى قازاقتار جۇمىستىڭ ەڭ اۋىرىن دەمالىسسىز ىستەيمىز دەپ جىلارمان ءحالىن جەتكىزىپتى.

بۇعان دەيىن وسى كومپانياداعى قازاق جۇمىسشىلارى جاتار ورىن، ىشەر استىڭ سىن كوتەرمەيتىنىن جانە الار ايلىقتىڭ ماردىمسىز ەكەنىن ايتىپ، شاعىنعان بولاتىن. بىراق قازاق جۇمىسشىلارىنىڭ جان ايقايىن قىتاي كومپانياسى قۇلاعىنا دا ىلمەگەن ەدى.

ەندى، مىنە، قازاقتى ءوز جەرىندە تاياققا جىعىپ جاتىر.

ارينە، جەرگىلىكتى بيلىك ادەتتەگىدەي قاۋقارسىز. ءتىپتى، ءوز بۇقاراسىن شەتتەن كەلگەن قىتايلىقتار ساباپ جاتسا دا تىرپ ەتەر ەمەس.

باقتىقوجا مىرزا قىتاي كومپانياسىنىڭ زاڭسىز ارەكەتتەرگە بارىپ وتىرعانىنا استانانىڭ نازارىن اۋدارا الادى ما، الدە ءىستىڭ بەتىن ەكى جاقتى كەلىسىم-شارتتارعا يتەرىپ سالىپ قاراپ وتىرا ما، ونى ۋاقىت كورسەتەدى.  انىعىنا كەلسەك، وبلىس اكىمى شەتەل كومپانيالارىنىڭ جۇمىسىنا مەملەكەت ارالىق كەلىسىمدەردەن اسىپ پارمەن ەتە المايدى. الايدا، ەل مەن جەردىڭ يەسى رەتىندە كوزجۇمبايلىققا سالىنۋعا جانە بولمايدى. ەستەرىڭىزگە سالا كەتەيىك، اتىراۋ وبلىسىن التى جىل باسقارعان بەرگەي ساۋلەبايۇلىن تەڭىزدە جۇمىس جاساپ جاتقان تۇركيالىقتار قىپ-قىزىل توبەلەسپەن قارسى العان بولاتىن.

«اباي-اقپارات»

ماقالاداعى دەرەكتەر جانە سۋرەت "ازاتتىق" راديوسىنان الىندى