«نۇر وتان» حدپ-نىڭ ورتالىق اپپاراتىنىڭ نازارىنا!

قۇرمەتتى، Abai.kz اقپاراتتىق پورتالىنىڭ رەداكتسياسى!

سىزدەرگە امالىم قالماعاندىقتان حات جازىپ وتىرمىن.  جۋرناليست ەمەسپىن،  سوندىقتان  بولعان وقيعانى بايانداپ قانا قويامىن. ەگەر قاجەت ەتسەڭىزدەر  حاتتا ايتىلعان زاڭسىزدىقتاردىڭ بارىنە قۇجات بەرە الامىن.

«نۇر وتان» حدپ-نىڭ ورتالىق اپپاراتىنىڭ نازارىنا!

قۇرمەتتى، Abai.kz اقپاراتتىق پورتالىنىڭ رەداكتسياسى!

سىزدەرگە امالىم قالماعاندىقتان حات جازىپ وتىرمىن.  جۋرناليست ەمەسپىن،  سوندىقتان  بولعان وقيعانى بايانداپ قانا قويامىن. ەگەر قاجەت ەتسەڭىزدەر  حاتتا ايتىلعان زاڭسىزدىقتاردىڭ بارىنە قۇجات بەرە الامىن.

مەن، قۇدايبەرگەنوۆا دينا  وڭتۇستىك قازاقستان وبلىسىنداعى «اتىشۋلى» ازاماتتاردىڭ ءبىرى  ومىرزاق پەردەبەكۇلى مەلدەحانوۆپەن  2012 جىلدىڭ شىلدە ايىنا دەيىن زاڭدى نەكەدە تۇردىم.  ول ءبىراز جىلدان بەرى «نۇر وتان» پارتياسىنىڭ شىمكەنت قالالىق فيليالىن باسقارادى، قازىرگى تاڭدا وبلىستىق ءماسليحاتتىڭ دەپۋتاتى، سونداي-اق  جەرگىلىكتى ءوزىن-ءوزى باسقارۋ جانە ازاماتتاردىڭ قۇقىن قامتاماسىز ەتەتىن كوميسسيانىڭ توراعاسى. بۇل كوميسسيا قۇقىق  قورعاۋ ورگاندارىنىڭ قىزمەتىن باقىلايتىنى بەلگىلى. سولاي بولا تۇرا، ءو.پ.مەلدەحانوۆ  مەنى جانە ءۇش بالامدى ءوز لاۋازىمى مەن تۇرمىسىنا ساي لايىقتى قامتاماسىز ەتپەي وتىر.  تابىستارىنىڭ ءبارىن قاساقانا جاسىرىپ بار بولعانى 20 مىڭ اليمەنت تولەيدى. ءۇش جىل بۇرىن بالالارىممەن ۇيدەن قۋىپ شىققان. انامنىڭ اتىنداعى  مەيرامحانانى قورقىتۋ جولىمەن تارتىپ الىپ، ءبىرىنشى ايەلى گۇلستان مەلدەحانوۆانىڭ اتىنا تىركەپ قويدى. وسىلاي ءبىز ءۇشىن تابىس تابۋدىڭ جولىن كەستى. قازىر ءبىز زاڭ بويىنشا 600 كۆ.م كەڭ سارايداي ءۇيىمىز بولا تۇرا  تۋىستارىمىزدىڭ پاتەرىندە تۇرىپ جاتىرمىز.  كرەديتكە الىنعان مەنىڭ اۆتوكولىگىمدى  جالعان قۇجات جاساۋ جولىمەن ساتىپ الۋ جانە ساتۋ  كەلىسىمىنسىز-اق نوتاريات قىزمەتىن مۇلدەم قاتىستىرماي، مەنىڭ مەرزىمى ءوتىپ كەتكەن جەكە كۋالىگىمدى كورسەتىپ  ءۇشىنشى تۇلعاعا ساتىپ جىبەردى. وسى كەزگە دەيىن ءوز قۇقىمدى قورعاۋ ءۇشىن ، زاڭ شەڭبەرىندە وقو-نىڭ قۇقىق ورگاندارى، سوتتاردىڭ تابالدىرىعىن توزدىرىپ كەلەمىن، بىراق ەشقانداي ناتيجە شىعار ەمەس. قولىمداعى قۇجاتتارعا قاراماستان  بارلىق قۇقىق ورگاندارى كوزجۇمبايلىققا سالىنىپ وتىر.  2011 جىلى وتكەن سايلاۋدا مەلدەحانوۆ  مەنىڭ اتىمنان 500 000 دوللارى بار دەپ بانكتەردىڭ ەسەپ-شوتىن وتىرىك  كورسەتىپ  جالعان دەكلاراتسيا تولتىرىپ جىبەرگەن. مەنىڭ بانكتەردە ەسەپ-شوتىمدا، مۇنداي قاراجاتىم دا بولعان ەمەس. جانە سولاي ەكەندىگىن بانكتەر بەرگەن انىقتاما ارقىلى دالەلدەي الامىن. وسى جاعدايدى بايانداپ پروكۋراتۋرا، فينپوليتسياعا شاعىمدار ءتۇسىردىم. الدىن-الا تەكسەرۋدە  مەنىڭ اتىمنان باسقا بىرەۋدىڭ قول قويىپ، جالعان دەكلاراتسيا وتكىزىلگەنى انىقتالدى. بىراق، فينپوليتسيا  مۇنى دا زاڭدى دەپ تاۋىپ، شەشىم قابىلداعان جوق. قازىر نە ىستەۋ كەرەك ەكەنىن بىلمەيمىن، سوندىقتان سىزدەرگە حابارلاسىپ وتىرمىن، نە ىستەۋگە بولادى؟ بۇل وڭتۇستىكتەگى ازاماتتاردىڭ قۇقىن قامتاماسىز ەتەتىن كوميسسيا توراعاسىنىڭ ىستەپ وتىرعان ارەكەتتەرى. ءوز وتباسىنىڭ قۇقىن تاپتاعان ادام، وزگەنىڭ قۇقىن قالاي قورعايدى؟ قازىر مەنى مەلدەحانوۆقا  وبلىستىق ماسليحاتقا دەپۋتات بولۋ جانە  قۇقىق قورعاۋ ورگاندارىنا باقىلاۋ جاسايتىن  كوميسسيانى باسقارۋ نە ءۇشىن كەرەك بولدى دەگەن سۇراق تولعاندىرادى، ءوزىنىڭ زاڭسىزدىقتارىن جاسىرۋ ءۇشىن بە؟

قۇدايبەرگەنوۆا دينا.

وقو، شىمكەنت قالاسى،

«اباي-اقپارات»