قازاقستاننان رەسەيگە اۋىل شارۋاشىلىعى ونىمدەرىنىڭ ءىرى پارتياسىن كىرگىزۋگە رۇقسات ەتىلمەدى. بۇل تۋرالى روسسەلحوزنادزوردىڭ ءباسپاسوز قىزمەتى حابارلادى. 

«2021 جىلدىڭ جەلتوقسان ايىنىڭ باسىنان بەرى قازاقستان رەسپۋبليكاسىمەن شەكارالاس اۋماقتا ورنالاسقان «قاراسۋىق» فيتوسانيتاريالىق باقىلاۋ بەكەتىنىڭ نوۆوسيبيرسك وبلىسى بويىنشا روسسەلحوزنادزور دەپارتامەنتىنىڭ ينسپەكتورلارى كارانتينگە جاتقىزىلعان ءونىمدى تاسىمالداۋ كەزىندە زاڭ بۇزۋشىلىقتاردى انىقتادى»، - دەلىنگەن حابارلامادا.

رەسەي تاراپىنىڭ ايتۋىنشا، «فيتوسانيتارلىق قاۋىپتىلىگى جوعارى ونىمدەر پارتيالارى زاڭ تالاپتارىن بۇزا وتىرىپ تاسىمالدانعان».

«وسىلايشا، وزبەك ونىمدەرىنىڭ پارتياسى ءۇشىن مىندەتتى ىلەسپە قۇجاتتاردىڭ – شىققان ەلدىڭ فيتوسانيتاريالىق سەرتيفيكاتتارىنىڭ كوشىرمەلەرىنىڭ بولماۋى 18 توننا قىزاناق پەن 18 توننا قۇرمانىڭ يمپورتىنا تىيىم سالۋعا نەگىز بولدى. سونىمەن قاتار، تاڭبالاۋدىڭ ءىشىنارا بولماۋى، جۇكتىڭ تاڭبالاۋىندا كورسەتىلگەن مالىمەتتەردىڭ تاۋار شىعارىلعان ەلدىڭ بولىگىندە ققس-داعى مالىمەتتەرگە سايكەس كەلمەۋى، سونداي-اق جۇكتى قايتالاپ  مەجەلى جەردە(ەكى جانە ودان دا كوپ) كورسەتپەۋ  رەسەي فەدەراتسياسىنىڭ اۋماعىنا اكەلۋگە تىيىم سالۋعا نەگىز بولعان. ءجۇزىم، كەپتىرىلگەن جەمىستەر، جاڭعاقتار، قىرىققابات، قىزاناق، پياز، كۇرىش، بۇرشاقتى قوسا العاندا، كارانتينگە جاتقىزىلعان ونىمدەردىڭ پارتياسى 212,7 توننا. بارلىق جۇكتەر قازاقستان رەسپۋبليكاسىنا ءتيىستى جونەلتۋشىلەرگە قايتارىلدى»، - دەلىنگەن حابارلامادا.

Abai.kz