سولتۇستىك كورەيا ۇكىمەتى 11 كۇن بويى ازاماتتارعا كۇلۋگە جانە ىشىمدىك ىشۋگە تىيىم سالدى. شەكتەۋلەر كيم چەن ءيردى ەسكە الۋمەن بايلانىستى. وسىدان 10 جىل بۇرىن، 2011 جىلى، 17-جەلتوقساندا كيم چەن ير قايتىس بولعان ەدى. 

«جوقتاۋ كەزىندە ىشىمدىك ىشۋگە، كۇلۋگە، ۋاقىتتى بوس وتكىزۋگە بولمايدى»، — دەيدى حابارلامادا.

جەرگىلىكتى اقپارات كوزدەرى 17 جەلتوقسان – كحدر بۇرىنعى كوشباسشىسى قايتىس بولعان كۇنى ازاماتتارعا دۇكەندەرگە بارۋعا تىيىم سالىنعانىن حابارلادى. بىراق بۇل بارلىق شەكتەۋلەر ەمەس. «ءتىپتى، ازا تۇتۋ كەزىندە ءسىزدىڭ وتباسىڭىزدىڭ مۇشەسى قايتىس بولسا، قاتتى جىلاۋعا بولمايدى، جەرلەۋدى بارلىق شارالار اياقتالعاننان كەيىن عانا وتكىزۋگە بولادى», — دەدى ءانونيمدى دەرەككوز. تاعى ءبىر سولتۇستىك كورەيالىق ەلدە ءتىپتى ادامداردىڭ قايعىلى كورىنەتىنىنە كوز جەتكىزەتىن پوليتسيا قىزمەتكەرلەرىنىڭ ارنايى وتريادى قۇرىلعانىن ايتتى.

Abai.kz