جانگەلديننىڭ اتىندا اۋدان بولۋى ارۋاققا قيانات
ءماجىلىس دەپۋتاتى قازىبەك يسا احمەت بايتۇرسىنۇلىنىڭ 150 جىلدىعىنا وراي ونىڭ ەسىمىن قوستاناي وبلىسىنداعى اۋدانعا بەرۋدى ۇسىندى. ول وسىلاي دەپ دەپۋتاتتىق ساۋال جولدادى، دەپ حابارلايدى ەكسپرەسس ك.
- الاش كوسەمدەرى احمەت بايتۇرسىنۇلى مەن مىرجاقىپ دۋلاتۇلىنىڭ تۋعان اۋدانىنىڭ اتى ءالى كۇنگە دەيىن قىزىل بولشەۆيك، كەزىندە ۇلتى مەن ءدىنىن ساتىپ، نيكولاي ستەپنوۆ بولعان ءالىبي جانگەلدين اتىندا بولۋى ەلگە دە، ەرگە دە جانە ەڭ الدىمەن ارۋاققا قيانات، - دەيدى قازىبەك يسا.
ونىڭ ايتۋىنشا، جانگەلدين اۋدانىنىڭ تۇرعىندارى اتاۋدى وزگەرتۋ بويىنشا پرەزيدەنتكە اشىق حات تا جازعان.
ايتا كەتەيىك، قوستاناي وبلىسىنا كىرەتىن جانگەلدين اۋدانى بار. 1950 جىلعا دەيىن تورعاي اۋدانى اتانعان. ورتالىعى — تورعاي اۋىلى. 2019 جىلعى ساناق بويىنشا 12 251 تۇرعىن بار.
Abai.kz
