جۇما, 29 ناۋرىز 2024
3856 3 پىكىر 27 جەلتوقسان, 2021 ساعات 14:28

رەسەي: ۋكراينا شەكاراسىنان اسكەرىمىزدى اكەتەمىز

رەسەي قورعانىس مينيسترلىگى ۋكراينامەن شەكتەسەتىن ايماقتاعى اسكەرلەرىن اكەتىپ جاتقانىن حابارلادى. مەكەمە مالىمدەمەسىندە وڭتۇستىك اسكەري وكۋرىنداعى اسكەرلەردىڭ ءبىر ايلىق جاتتىعۋى اياقتالعانىنا بايلانىستى 10 مىڭنان استام جاۋىنگەر كەرى قايتارىلعان.

"اسكەري دايىندىق بويىنشا جاتتىعۋلار استراحان، ۆولگوگراد جانە روستوۆ وبلىستارىندا، ستاۆروپول جانە كۋباندا، سولتۇستىك كاۆكازدا جانە قىرىمدا، سونىمەن بىرگە ابحازيا، ارمەنيا جانە وڭتۇستىك وسەتيادا ءوتتى", - دەپ جازىلعان مينيسترلىك سايتىنداعى مالىمدەمەدە.

25 جەلتوقساندا ۋكراينا پرەزيدەنتى ۆلاديمير زەلەنسكي اقش كونگرەسسمەندەرى جانە سەناتورلارمەن ونلاين سويلەسكەن. وندا دونباسستاعى باقىلاۋ جانە ورىس-ۋكراين شەكاراسىنداعى رەسەيلىك اسكەرلەر تۋرالى ءسوز بولعان.

قاراشا ايىندا Conflict Intelligence Team ۇيىمىنىڭ زەرتتەۋشىلەرى رەسەي ۋكراينامەن شەكتەسەتىن ايماعىنا اسكەرلەرىن جانە تەحنيكاسىن ورنالاستىرىپ جاتقانىن ايتقان. بۇل مالىمەتتى پەنتاگون دا راستاپ، ورىس-ۋكراين شەكاراسىنداعى اسكەرلەر تۋرالى بارلاۋ مالىمەتتەرىن كيەۆكە بەرمەك بولعان.

جەلتوقسان باسىندا رەسەي پرەزيدەنتى ۆلاديمير پۋتين مەن اقش ليدەرى دجو بايدەن ۆيدەو بايلانىس ارقىلى سويلەسكەن. بايدەن ماسكەۋگە ۋكرايناعا شابۋىل جاساسا، قاتاڭ سانكتسيالار قوياتىنىن ەسكەرتكەن.

پۋتين بايدەنگە ناتو اسكەرىنىڭ ۋكراينا ايماعىنا دەيىن كەڭەيتىلگەنىن قالامايتىنىن جەتكىزگەن.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618