ۇكىمەت وتىرىسىندا پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى باقىت سۇلتانوۆ ۇكىمەتتىڭ قارجى-ەكونوميكالىق بلوگى بويىنشا جەدەل جانە جۇيەلى شارالار قابىلداۋ تۋرالى ايتتى.

ءبىرىنشى. ازىق-تۇلىك ينفلياتسياسىن تەجەۋ جانە الەۋمەتتىك ماڭىزى بار تاۋارلاردىڭ باعالارىن مەملەكەتتىك رەتتەۋ شارالارىن كۇشەيتۋ شەڭبەرىندە جەرگىلىكتى اتقارۋشى ورگاندارمەن بىرلەسىپ، ازىق-تۇلىك تاۋارلارىنىڭ نەگىزگى تۇرلەرىنىڭ ناقتى جانە باعالىق قولجەتىمدىلىگىن قامتاماسىز ەتۋ بويىنشا شارالار قابىلدانۋدا.

ەكىنشى. اۋىل شارۋاشىلىعى مينيسترلىگىمەن بىرلەسىپ، تاۋارلاردى ءوندىرۋ، تۇتىنۋ جانە قايتا ءبولۋ تەڭگەرىمدەرىنىڭ تولىق مونيتورينگى قامتاماسىز ەتىلەتىن بولادى.

ءۇشىنشى. ورتالىق ازيا ەلدەرىمەن ءوزارا ءىس-قيمىل شەڭبەرىندە يمپورتتالاتىن ازىق-تۇلىك تاۋارلارىن تارتۋ بويىنشا شارالار قابىلدانۋدا. قاجەت بولعان جاعدايدا ەكسپورتتىق شەكتەۋ جونىندەگى شارالار ۋاقىتىلى قابىلداناتىن بولادى. قازىردىڭ وزىندە مال مەن كوكونىس ەكسپورتىنا تىيىم سالىندى.

ءتورتىنشى. كاسىپكەرلىك كودەكسىندە شەكتى باعالاردى قولدانۋ قۇرالدارى كوزدەلگەن. ءمينيستردىڭ ايتۋىنشا، باسەكەلەستىكتى قورعاۋ جانە دامىتۋ اگەنتتىگىمەن، ۇلتتىق ەكونوميكا جانە اۋىل شارۋاشىلىعى مينيسترلىكتەرىمەن بىرلەسىپ، شەكتى باعالار تەتىگى قايتا قارالدى.

بەسىنشى. ساۋدا كوميتەتىنىڭ قىزمەتىن فۋنكتسيونالدىق كۇشەيتۋگە بايلانىستى شۇعىل زاڭنامالىق باستامالار دايىندالاتىن بولادى.

بۇدان باسقا، ەكونوميكانى ءارتاراپتاندىرۋ جانە تولەم بالانسىن جاقسارتۋ بويىنشا «ەكسپورتتىق ءتارتىپ» تاسىلدەرىن ەنگىزۋ جولىمەن شيكىزاتتىق ەمەس ەكسپورتتى ۇلعايتۋ بويىنشا جۇيەلى ۇسىنىستار ازىرلەنەتىن بولادى. جاقىن كورشىلەس ەلدەرمەن ساۋدانى كەڭەيتۋ جونىندەگى جۇمىس جالعاسادى.

سونداي-اق، پرەمەر-مينيستر ورىنباسارىنىڭ ايتۋىنشا، ۇكىمەتتىڭ ەكونوميكالىق ساياساتى، ەڭ الدىمەن، حالىقتىڭ ءال-اۋقاتىن جاقسارتۋعا جانە ءومىر ءسۇرۋ ساپاسىن ارتتىرۋعا باعىتتالاتىن بولادى.

Abai.kz