سارسەنبى, 25 مامىر 2022
1378 4 پىكىر 13 قاڭتار, 2022 ساعات 14:08

قازا بولعان اسكەريلەرگە ەسكەرتكىش ورناتىلادى

الماتى اكىمى باقىتجان ساعىنتاەۆ قارۋلى كۇشتەردىڭ وفيتسەرى ساندىبەك حايروۆپەن قوشتاسۋ راسىمىندە قازا تاپقان اسكەري جانە پوليتسيا قىزمەتكەرلەرىنە الماتىدا ەسكەرتكىش ورناتىلاتىنىن ايتتى.

ەستەرىڭىزگە سالا كەتەيىك، 35-ءشى گۆارديالىق دەسانتتىق-شابۋىل بريگاداسى كومانديرىنىڭ ورىنباسارى پودپولكوۆنيك ساندىبەك حايروۆ اكىمدىك عيماراتىن قورعاۋ كەزىندە قازا تاپتى. ول اسكەري قىزمەتشىلەردى شابۋىلدانعان عيماراتتان شىعارىپ ۇلگىردى، بىراق ءوزى ۇلگىرمەگەن.

ساعىنتاەۆ مارقۇمنىڭ تۋىستارى مەن جاقىندارىنا كوڭىل ايتتى.

"رەسپۋبليكا الاڭىندا ورناتىلاتىن مەموريالدا قازا تاپقان اسكەري قىزمەتشىلەردى، قۇقىق قورعاۋ ورگاندارىنىڭ قىزمەتكەرلەرى تۋرالى ەستەلىك ماڭگى ساقتالادى. بۇل ءبىزدىڭ ەلىمىزدى تەرروريستەردەن قورعاپ، بەيبىتشىلىكتى ساقتاپ، ازاماتتاردىڭ قاۋىپسىزدىگىن قامتاماسىز ەتكەندەردى ەستە قالدىرۋ ءۇشىن ۇرپاقتارعا ارنالادى", - دەدى ساعىنتاەۆ.

Abai.kz

4 پىكىر