سارسەنبى, 6 شىلدە 2022
بيلىك 1614 1 پىكىر 13 قاڭتار, 2022 ساعات 14:14

ءۇش وڭىردەن توتەنشە جاعداي رەجيمى الىندى

قازاقستان پرەزيدەنتى قاسىم-جومارت توقاەۆ ولكەنىڭ ءۇش ايماعىنداعى — پاۆلودار، باتىس قازاقستان جانە سولتۇستىك قازاقستان وبلىستارىنداعى توتەنشە جاعداي رەجيمىن توقتاتتى. 

مەملەكەت باسشىسىنىڭ سارسەنبى كۇنى جاريالاعان جارلىعىنا سايكەس، اتالعان ايماقتارداعى توتەنشە جاعداي رەجيمى 13 قاڭتاردا تاڭعى ساعات 7-دە توقتايدى.

2 قاڭتاردا جاڭاوزەندە سۇيىتىلعان گازدىڭ قىمباتتاۋىنان باستالعان نارازىلىق قازاقستاننىڭ وزگە قالالارىنا جايىلعان. الماتىدا نارازىلىقتىڭ سوڭى قانتوگىسكە ۇلاستى. وزگە ايماقتاردا دا ادامداردىڭ قازا بولعانى حابارلاندى. قاڭتار وقيعاسىندا قانشا ادامنىڭ قازا بولعانى تۋرالى ناقتى مالىمەت جوق. دەنساۋلىق ساقتاۋ مينيسترلىگى 164 ادامنىڭ وپات بولعانىن حابارلادى، بىراق ۆەدومستۆو كەيىن جوققا شىعاردى. الەۋمەتتىك جەلىدە تۋىستارى نەمەسە تانىستارىن ىزدەپ جۇرگەن حابارلامالار تاراپ جاتىر.

پوليتسيانىڭ مالىمەتىنشە، "انتيتەرروريستىك" وپەراتسيالار بارىسىندا الماتىدا "تارتىپسىزدىككە قاتىسقان" ونداعان ادام قازا بولعان. قازاقستان بيلىگى تارتىپسىزدىك كەزىندە كۇشتىك قۇرىلىمنىڭ 18 وكىلىنىڭ قازا بولعانىن ايتتى.

بۇۇ-نىڭ ادام قۇقىقتارى جونىندەگى ساراپشىلارى قازاقستان بيلىگىنىڭ "نارازىلارعا پارمەندى كۇش قولدانۋىن" ايىپتاپ، جاعدايدى تاۋەلسىز زەرتتەۋگە شاقىردى.

Abai.kz

1 پىكىر

ۇزدىك ماتەريالدار

اقمىلتىق

«قيالشىلدار كلۋبى»

ءامىرجان قوسان 2147
انىق-قانىعى

كىمنىڭ كىم ەكەنىن بىلە ءجۇرسىن دەپ...

اۋىت مۇقيبەك 1611