ۇقشۇ اسكەرى تولىق شىعارىلدى
رەسەيدىڭ اسكەري-كولىك اۆياتسياسىنىڭ سوڭعى ءتورت ۇشاعى قازاقستاننان رەسەيگە ۇشىپ كەتتى. ىشىندە ۇقشۇ كۇشتەرى مەن بىتىمگەرلەر جەتەكشىسى بار.
"بورتتا بىتىمگەرلەرى بار رەسەيدىڭ اسكەري-كولىك اۆياتسياسىنىڭ ءتورت ۇشاعى قازاقستاننىڭ نۇر-سۇلتان جانە الماتى اۋەجايلارىنان ۇشىپ شىقتى", - دەلىنگەن حابارلامادا.
وسى ءتورت ۇشاقپەن گەنەرال-پولكوۆنيك اندرەي سەرديۋكوۆ باستاعان بىتىمگەرلەردىڭ سوڭعى بولىمشەلەرى مەن بىتىمگەرشىلىك كونتينگەنتىنىڭ قولباسشىلىعى ەلدەرىنە قايتتى.
بۇعان دەيىن رەسەيدىڭ اسكەري-كولىك اۆياتسياسىنىڭ ۇشاقتارىمەن ارمەنيا، بەلارۋس، تاجىكستاننىڭ بىتىمگەرشىلىك كونتينگەنتتەرى ۇيلەرىنە قايتقان. قىرعىزستاننان كەلگەن بىتىمگەرلەر شتاتتىق تەحنيكا مەن قارۋ-جاراقپەن كولوننا قۇرامىندا شەرۋ جاساپ، ۇيلەرىنە ورالدى.
Abai.kz
