26 قاڭتار ساعات 00:00-دەن 27 قاڭتار 00:00-گە دەيىن الماتى قالاسى تۇركسىب اۋدانى اۋماعىندا انتيتەررورلىق وپەراتسيا رەجيمى ەنگىزىلدى. تەرروريزمگە قارسى كۇرەس جونىندەگى قالالىق جەدەل شتاب ۇيىمداسقان قىلمىستىق توپتىڭ بەس جەتەكشىسى مەن مۇشەلەرىنىڭ ۇستالعانىن حابارلادى.

كۇدىكتىلەر قاڭتاردىڭ 4-ءى مەن 6-سى ارالىعىندا الماتىدا مەملەكەتتىك مەكەمەلەر مەن كوممەرتسيالىق نىساندارعا جاسالعان قاراقشىلىق شابۋىلعا قاتىسقان. ۇستاۋ كەزىندە قارۋ-جاراق (تاپانشالار، شولاق مىلتىقتار، پاتروندار), ۇنتاق ءتارىزدى زات جانە ەرەكشە ءيىسى بار تابلەتكالار تاركىلەندى.

"قۇقىق قورعاۋ ورگاندارىنىڭ جۇمىسىنا تۇسىنىستىكپەن قاراۋلارىڭىزدى، زاڭ تالاپتارىن قاتاڭ ساقتاۋلارىڭىزدى سۇرايمىز", – دەلىنگەن الماتى قالالىق تەرروريزمگە قارسى كۇرەس جونىندەگى جەدەل شتاب تاراتقان حابارلامادا.

Abai.kz