ەرلان بەكحوجين باسقا جۇمىسقا اۋىسۋىنا بايلانىستى «حابار» اگەنتتىگى» اق باسقارما توراعاسى قىزمەتىنەن كەتتى.

توراعا مىندەتىن رينات كەرتاەۆ اتقارادى. ەرلان بەكحوجين بۇل قىزمەتتى 2019 جىلدىڭ تامىز ايىنان بەرى اتقارىپ كەلەدى.

ەرلان بەكحوجين 1963 جىلى تۋعان، قازاقستان رەسپۋبليكاسى جۋرناليستيكا اكادەمياسىنىڭ اكادەميگى. وسى جىلدار ىشىندە قازاق راديوسىنىڭ «كۇن پانوراماسى» باعدارلاماسىنىڭ جۇرگىزۋشىسى، كوممەنتاتور، «جەتى كۇن» باعدارلاماسىنىڭ اۆتورى جانە جۇرگىزۋشىسى قىزمەتتەرىن اتقاردى. رەسپۋبليكالىق «ليتەر» جانە «ايقىن» گازەتتەرىنىڭ نەگىزىن قالاۋشى جانە شىعارۋشىسى (2003-2009) بولدى.

2009-2019 جىلدار ارالىعىندا «قازاقستان رەسپۋبليكاسى پرەزيدەنتىنىڭ تەلەراديوكەشەنى» كەاق باس ديرەكتورى بولدى.

Abai.kz