ۋكراينا سىرتقى ىستەر ءمينيسترى دميتري كۋلەبا 19 ەل ۋكرايناعا قارۋ-جاراق جەتكىزىپ، 16 ەلدەن ەرىكتىلەر كەلىپ جاتقانىن مالىمدەدى.

ء"بىز سوعىسقا قارسى حالىقارالىق كواليتسيانى موبيليزاتسيالاي الدىق كواليتسياعا 86-عا جۋىق ەل مەن 15 حالىقارالىق ۇيىم كىرەدى. ۋكرايناعا 19 ەل، بىرقاتارى تاريحىندا ءبىرىنشى رەت قارۋ-جاراق جونەلتىپ جاتىر. 10 مەملەكەت قارجىلاي جاردەم جانە 22 مەملەكەت گۋمانيتارلىق كومەك كورسەتەدى. 16 ەلدىڭ ەرىكتىلەرى اگرەسسورعا جاۋاپ بەرۋ ءۇشىن ۋكراين ەلىنە كەلىپ جاتىر. قازىر ولاردىڭ سانى مىڭنان استى، ەرىكتى بولۋعا ءوتىنىش بىلدىرگەندەردىڭ سانى كوپ", - دەدى كۋلەبا.

ۋكراينا 1 ناۋرىزدان باستاپ ەرىكتىلەر ءۇشىن ۆيزاسىز رەجيم ەنگىزدى. كۋلەبا 38 ەل ورىس ۇشاقتارى ءۇشىن اۋە جولدارىن جاپقانىن حابارلادى. جاقىن ارادا ورىس كەمەلەرى ءۇشىن پورتتاردى دا جابۋ قاراستىرىلىپ جاتىر. ۇلىبريتانيا مەن كانادا ورىس كەمەلەرىن ءوز ايماعىنا كىرگىزۋدى توقتاتتى.

Abai.kz