ءاۋ باستا كۇرىش داقىلىن وندىرۋگە ماماندانعان شاردارالىق ديقاندار ەگەمەندىك العاننان بەرگى ۋاقىتتا جاپپاي ماقتاعا بەت بۇرىپ كەتكەن بولاتىن. الايدا، سوڭعى بىرەر جىلدان بەرى كۇرىش وسىرۋگە قايتا دەن قويىپ كەلە جاتقان شارۋالاردىڭ قاتارى مولايىپ كەلەدى.

بيىلعى جىلى اۋدان بويىنشا   966 گەكتار القاپقا كۇرىش ەگىلگەنى سونىڭ دالەلى. اتاپ ايتقاندا، «قازاق ماقتا شاۋاشىلىعى عىلىمي-زەرتتەۋ ينستيتۋتى» جشس-ءنىڭ شاردارا وكىلدىگىنە قاراستى شارۋاشىلىقتا كۇرىش ورۋ جۇمىسى باستالدى. مۇنداعى ۇجىم 44 گەكتارعا كۇرىش داقىلىن ەككەن ەكەن. سىر مارجانىنىڭ شىعىمى جامان ەمەس. باستارىن كوتەرە الماي تۇرعان داقىلعا قاراپ ءونىمنىڭ مول بولاتىنىن اڭعارۋعا بولادى. «ءبىز ۇمىت بولا باستاعان كۇرىش ءوسىرۋدى 2008 جىلدان باستاپ قولعا الدىق. كۇرىشتىڭ تيىمدىلىگى سول - بۇل داقىل بىرىنشىدەن، قول كۇشىن كوپ كەرەك ەتپەيدى. جەردىڭ سورىن مۇقيات شايىپ، اگروتەحنيكالىق تالاپتارعا ساي تۇقىم سەۋىپ، قالىپتى دەڭگەيدە سۋعا باستىرساڭىز بولدى، ەگىستىك تە بىتىك شىعادى. ۋاقتىلى مينەرالدىق جانە ورگانيكالىق تىڭايتقىشتارمەن ۇستەپ قورەكتەندىرۋ دە ەگىس ءتۇسىمىن ارتتىرۋدىڭ بىردەن ءبىر جولى»، - دەيدى باس اگرونوم جۇماحان دۇيسەنوۆ.  

بۇل شارۋاشىلىقتا قازىرشە ءبىر كومباين عانا كۇرىش باستىرۋمەن اينالىسۋدا. تاعى دا ءبىر كومباين تاياۋ كۇندە ىسكە كىرىسپەك. ءبىر كەزدەرى كەڭەس وداعىنا كۇرىشپەن اتى شىققان شاردارا بۇگىندە سول شارۋانى قايتا قولعا الىپ جاتقانى كوپتى قۋانتىپ وتىر.

ءاۋ باستا كۇرىش داقىلىن وندىرۋگە ماماندانعان شاردارالىق ديقاندار ەگەمەندىك العاننان بەرگى ۋاقىتتا جاپپاي ماقتاعا بەت بۇرىپ كەتكەن بولاتىن. الايدا، سوڭعى بىرەر جىلدان بەرى كۇرىش وسىرۋگە قايتا دەن قويىپ كەلە جاتقان شارۋالاردىڭ قاتارى مولايىپ كەلەدى.

بيىلعى جىلى اۋدان بويىنشا   966 گەكتار القاپقا كۇرىش ەگىلگەنى سونىڭ دالەلى. اتاپ ايتقاندا، «قازاق ماقتا شاۋاشىلىعى عىلىمي-زەرتتەۋ ينستيتۋتى» جشس-ءنىڭ شاردارا وكىلدىگىنە قاراستى شارۋاشىلىقتا كۇرىش ورۋ جۇمىسى باستالدى. مۇنداعى ۇجىم 44 گەكتارعا كۇرىش داقىلىن ەككەن ەكەن. سىر مارجانىنىڭ شىعىمى جامان ەمەس. باستارىن كوتەرە الماي تۇرعان داقىلعا قاراپ ءونىمنىڭ مول بولاتىنىن اڭعارۋعا بولادى. «ءبىز ۇمىت بولا باستاعان كۇرىش ءوسىرۋدى 2008 جىلدان باستاپ قولعا الدىق. كۇرىشتىڭ تيىمدىلىگى سول - بۇل داقىل بىرىنشىدەن، قول كۇشىن كوپ كەرەك ەتپەيدى. جەردىڭ سورىن مۇقيات شايىپ، اگروتەحنيكالىق تالاپتارعا ساي تۇقىم سەۋىپ، قالىپتى دەڭگەيدە سۋعا باستىرساڭىز بولدى، ەگىستىك تە بىتىك شىعادى. ۋاقتىلى مينەرالدىق جانە ورگانيكالىق تىڭايتقىشتارمەن ۇستەپ قورەكتەندىرۋ دە ەگىس ءتۇسىمىن ارتتىرۋدىڭ بىردەن ءبىر جولى»، - دەيدى باس اگرونوم جۇماحان دۇيسەنوۆ.  

بۇل شارۋاشىلىقتا قازىرشە ءبىر كومباين عانا كۇرىش باستىرۋمەن اينالىسۋدا. تاعى دا ءبىر كومباين تاياۋ كۇندە ىسكە كىرىسپەك. ءبىر كەزدەرى كەڭەس وداعىنا كۇرىشپەن اتى شىققان شاردارا بۇگىندە سول شارۋانى قايتا قولعا الىپ جاتقانى كوپتى قۋانتىپ وتىر.