بۇركىت نۇراسىل
وسىدان ءبىر اي بۇرىن ەل ۇكىمەتىن تابان اۋدارماستان بەس جىل بويى باسقارعان كارىم ءماسىموۆ باسقا قىزمەتكە اۋىسىپ، ورنىنا سەرىك احمەتوۆ كەلىپ جاتقاندا، ساياسي كورىپكەلدەر نە دەمەدى دەيسىز؟ ءوزارا القا قوتان وتىرىپ الىپ، «جوعارىدا بۇرىن-سوڭدى قۇلاق ەستىپ كوز كورمەگەن الاپات وزگەرىستەر بولادى» دەسىپ كۇلىم كوزدەر مەن شيراتپا مۇرتتاردىڭ ءبىرازىن «زەينەتكە» دە شىعارىپ قويعان ەدى. الايدا، ادەتتەگىدەي بۇل جولى دا جاۋىرىندارى قىرىن كەتتى. ساياسي ەليتاداعى ەڭ ۇلكەن جاڭالىقتىڭ ءبىرى - قىرىمبەك كوشەرباەۆتىڭ قايتادان اتقا قونۋى مەن التى جىل بۇرىنعى شۋدان كەيىن كۇتپەگەن جەردەن ەكونوميكالىق دامۋ جانە ساۋدا مينيسترلىگىنە ءۇرپيىپ ەربولات دوساەۆتىڭ كەلگەنى بولماسا بالەندەي وزگەرىستەر بولا قويعان جوق. اقىرىندا ۇياتتى بولىپ قالعان «ساۋەگەيلەر» «بۇل اۋىسۋدىڭ باسى عانا،  ەندىگى كەزەك اگەنتتىك باسشىلارىنا كەلەدى. بىرقاتار وبلىس اكىمدەرىنىڭ دە ات اۋىستىرۋى مۇمكىن» دەپ ءدۇدامال سىبىس تاستاپ، قۇتىلعان بولاتىن.
اقىرى بۇل سىبىس تا شىنعا اينالاتىن ءتۇرى بار. كەشەلى بەرى عالامتور بەتىندە ۇكىمەتتىك دەڭگەيدە «الاساپىران كادرلىق» وزگەرىستەر ناقتىسىن ايتقاندا قۇرىلىمدىق وزگەرىستەر، جۇرەدى ەكەن دەگەن مالىمەت پايدا بولدى. دەرەك كوزى دە سالماقتى. اناۋ-مىناۋ ەمەس - «قازاقپارات» اگەنتتىگى. «جاقىندا قازاقستان ۇكىمەتىندە قۇرىلىمدىق وزگەرىستەر جوسپارلانىپ وتىر، دەپ حابارلادى اگەنتتىككە استاناداعى اقپاراتقا قانىق دەرەككوز» دەپ باستالىپتى.

بۇركىت نۇراسىل
وسىدان ءبىر اي بۇرىن ەل ۇكىمەتىن تابان اۋدارماستان بەس جىل بويى باسقارعان كارىم ءماسىموۆ باسقا قىزمەتكە اۋىسىپ، ورنىنا سەرىك احمەتوۆ كەلىپ جاتقاندا، ساياسي كورىپكەلدەر نە دەمەدى دەيسىز؟ ءوزارا القا قوتان وتىرىپ الىپ، «جوعارىدا بۇرىن-سوڭدى قۇلاق ەستىپ كوز كورمەگەن الاپات وزگەرىستەر بولادى» دەسىپ كۇلىم كوزدەر مەن شيراتپا مۇرتتاردىڭ ءبىرازىن «زەينەتكە» دە شىعارىپ قويعان ەدى. الايدا، ادەتتەگىدەي بۇل جولى دا جاۋىرىندارى قىرىن كەتتى. ساياسي ەليتاداعى ەڭ ۇلكەن جاڭالىقتىڭ ءبىرى - قىرىمبەك كوشەرباەۆتىڭ قايتادان اتقا قونۋى مەن التى جىل بۇرىنعى شۋدان كەيىن كۇتپەگەن جەردەن ەكونوميكالىق دامۋ جانە ساۋدا مينيسترلىگىنە ءۇرپيىپ ەربولات دوساەۆتىڭ كەلگەنى بولماسا بالەندەي وزگەرىستەر بولا قويعان جوق. اقىرىندا ۇياتتى بولىپ قالعان «ساۋەگەيلەر» «بۇل اۋىسۋدىڭ باسى عانا،  ەندىگى كەزەك اگەنتتىك باسشىلارىنا كەلەدى. بىرقاتار وبلىس اكىمدەرىنىڭ دە ات اۋىستىرۋى مۇمكىن» دەپ ءدۇدامال سىبىس تاستاپ، قۇتىلعان بولاتىن.
اقىرى بۇل سىبىس تا شىنعا اينالاتىن ءتۇرى بار. كەشەلى بەرى عالامتور بەتىندە ۇكىمەتتىك دەڭگەيدە «الاساپىران كادرلىق» وزگەرىستەر ناقتىسىن ايتقاندا قۇرىلىمدىق وزگەرىستەر، جۇرەدى ەكەن دەگەن مالىمەت پايدا بولدى. دەرەك كوزى دە سالماقتى. اناۋ-مىناۋ ەمەس - «قازاقپارات» اگەنتتىگى. «جاقىندا قازاقستان ۇكىمەتىندە قۇرىلىمدىق وزگەرىستەر جوسپارلانىپ وتىر، دەپ حابارلادى اگەنتتىككە استاناداعى اقپاراتقا قانىق دەرەككوز» دەپ باستالىپتى.
سىبىسقا سەنسەك، بۇل جاڭالىق ەڭ الدىمەن ەكىنشى دەڭگەيدەگى قۇرىلىمدار، ياعني اگەنتتىكتەر مەن كوميتەتتەرگە قاتىستى كورىنەدى.  اگەنتتىكتەردىڭ جۇمىستارى وڭتايلاندىرىلىپ، كەرەك بولسا كەيبىر ۆەدومستۆولار بىرىكتىرىلۋى مۇمكىن سەكىلدى. «تابيعي مونوپوليالاردى رەتتەۋ اگەنتتىگى مەن باسەكەلەستىكتى قورعاۋ اگەنتتىگى بىرىكتىرىلۋى مۇمكىن. ەكونوميكالىق دامۋ مينيسترلىگىنىڭ تاريفتىك ساياسات جونىندەگى كوميتەتى جاڭا قۇرىلىمعا بەرىلەدى. سونداي-اق، جەر رەسۋرستارىن باسقارۋ اگەنتتىگىن دە ەلەۋلى رەفورما كۇتىپ تۇر»،- دەيدى اقپارات كوزدەرى. 
سونىمەن قاتار، ەكونوميكالىق دامۋ جانە ساۋدا مينيسترلىگىن يندۋستريا جانە جاڭا تەحنولوگيالار مينيسترلىگىمەن بىرىكتىرۋ ماسەلەسى تالقىلانىپ جاتقانى دا ايتىلادى. ونىمەن بىرگە، ايماقتارمەن جۇمىس جونىندەگى جاڭا ۆەدومستۆو قۇرۋ ماسەلەسى دە قارالۋدا. ايتپاقشى، كوپتەن  بەرى سىننان كوز اشپاي كەلە جاتقان «سامۇرىق-قازىنا» قورىندا دا وزگەرىستەر بولۋى مۇمكىن دەيدى قۇپيا دەرەك كوزى. «بۇل جەردە كادرلىق وزگەرىستەر تۋرالى عانا ەمەس، باسقا دا وزگەرىستەر تۋرالى ءسوز بولىپ وتىر. ونىڭ ءىرى قۇرىلىمى ينۆەستيتسيالىق تارتىمدىلىققا وڭ اسەر ەتىپ وتىرعان جوق، باسقارۋشى فۋنكتسيالارى دا - شەشىم قابىلداۋدان باستاپ، العا قويىلعان ماقساتتاردى جۇزەگە اسىرۋعا دەيىنگى قىزمەتتەر دە زارداپ شەگۋدە. مەملەكەتتىڭ ءتۇرلى ينۆەستيتسيالىق جانە يننوۆاتسيالىق قورلارعا، باسقا دامۋ ينستيتۋتتارىنا قاتىناسىن دا وزگەرتەتىن كەز كەلدى. ولار بيۋدجەت قارجىسىن جەگەننەن باسقا ەش ناتيجە كورسەتپەيدى. بولىنگەن قارجىنى كوممەرتسيالىق بانكتەردەگى دەپوزيتتەرگە سالىپ قويىپ، پايىزدارعا ءومىر سۇرەدى. سول سەبەپتى مەگاقوردىڭ الداعى تاعدىرى تۋرالى ماسەلە دە كۇن تارتىبىنە شىعاتىن كۇن الىس ەمەس»، - دەپ كۇشەنىپ ءوتىپتى. 
بۇل ازىرشە وتاندىق باق بەتتەرىندە ايتىلىپ جۇرگەن الىپ-قاشپا سىبىستار عانا. بەلگىسىز بىرەۋلەردىڭ قاساقانا تاراتىپ وتىرعان اقپاراتتىق «ۋتكاسى» بولۋى دا بەك مۇمكىن. دەگەنمەن، جوعارى دەڭگەيدە كادرلىق وزگەرىستەر مەن ساياسي جاڭاشىلدىقتىڭ كەرەك ەكەندىگى باياعىدان-اق ايتىلىپ جۇرگەن اڭگىمە.

"حالىق ءسوزى" گازەتى