جۇما, 12 شىلدە 2024
ايماق 4552 3 پىكىر 11 مامىر, 2022 ساعات 14:27

قوستاناي «جاڭا قازاقستاندى» تۇسىندە عانا كورەر...

ءبىز كەيدە ورىستار جايلى تىم ارتىق كەتىپ قالامىز. ولاردان دا ۇلگى الاتىن جەرلەرى بار. ماسەلەن، قوستاناي وبلىسىندا بيلىككە الاقان جايىپ، ولاردىڭ جەتىستىكتەرىن جاتپاي-تۇرماي ماقتايتىن ون شاقتى جەرگىلىكتى گازەت بار. ولارعا جىل سايىن جارتى ميلليارد تەڭگەدەن استام قارجى بولىنەدى.

حالىقتىكى عوي، نەسىن اياسىن؟.. الايدا بۇلاردىڭ ەشقايسىسى دا وسى ەلدىڭ كوكەيىندە جۇرگەن ەڭ ءبىر وزەكتى دەگەن ماسەلەلەردى، تولعاۋى جەتكەن پروبلەمالاردى ولسە كوتەرمەيدى. ويتكەنى ول بيلىككە جاقپاي قالۋى مۇمكىن. ال مۇنداي قانى سورعالاعان دۇنيەلەردى مەملەكەتتەن كوك تيىن المايتىن «ناشا گازەتا» دەگەن اپتالىق باسادى. ارينە، بۇل ءۇشىن جەمەگەن تاياعى دا جوق. بيلىك بيزنەسمەندەرگە قىسىم كورسەتىپ، جارناما بەرگىزبەي شومىشتەن قىسادى. ودان ايىلىن جيناپ جاتقان ول دا جوق. ءبىر عاجابى، وسى گازەتتى ميروليۋبوۆ دەگەن شاعىن بيزنەسمەن كوك تيىن پايدا تاپپاسا دا، جالعىز ءوزى شىعارادى. ال ەندى وسىنداي باتىرلىققا، ەڭ باستىسى قىپ-قىزىل شىعىنعا قوستانايدىڭ ساسىعان بايىنىڭ بىردە-ءبىرى بارمايدى. مەن بىردە وسى ماسەلەنى كوتەرگەندە، ءبارى بىردەن باسىن الىپ قاشقان. «قوستانايلىق پاتريوتيزم» دەگەن وسى بولار...

ايتپاقشى، مىنا شاپ-شاعىن كورشىمىز كوكشەتاۋدا قازاق تىلىندە تاۋەلسىز «بۇقپا!» گازەتى شىعىپ تۇر. ال ءبىزدىڭ جەرگىلىكتى گازەتتەر «ارحيمەدتى ماقتاۋدا قايسىمىز الدىمەن كوزگە تۇسەمىز» دەگەن جارىستان قولدارى بوساماي ءجۇر. ءسىرا، قوستاناي «جاڭا قازاقستاندى» تۇسىندە عانا كورەر. ويانىپ كەتىپ جۇرمەسە.

جايبەرگەن بولاتوۆ

Abai.kz

3 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1155
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1786
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1854