قازاقستاننىڭ كازاكتارى قاي ەلدىڭ ازاماتتارى؟
قازاقستان رەسپۋبليكاسى
باس پروكۋراتۋراسىنىڭ نازارىنا!
وتكەن جەكسەنبىدە ماسكەۋدىڭ ورتالىعىندا رەسەي بيلىگى رۇقسات بەرگەن «رۋسسكي مارش» اتتى ميتينگ ءوتتى. وعان سول ەلدىڭ بارلىق يمپەرشىل، شوۆينيستىك كۇشتەرى جينالىپ، «روسسيا دليا رۋسسكيح» دەگەن ۇراندارىن سان رەت قايتالادى. بۇل رەسەيدە، بوتەن مەملەكەتتە.
ەسەسىنە، ءدال سول كۇنى الماتىدا قازاقستان كازاكتارىنىڭ وداعى ۇيىمىنىڭ باستاۋىمەن «ۆ چەست پرازدنيكا ەدينەنيا رۋسسكوگو نارودا ي ۆ پوددەرجكۋ ماسسوۆىح شەستۆي ۆ موسكۆە ي درۋگيح گوروداح روسسي - «رۋسسكي مارش» دەگەن جەلەۋمەن رۇقسات ەتىلمەگەن ميتينگ وتكىزىلدى. زاڭسىز ميتينگىگە ۇيىمداستىرۋشىلاردىڭ مالىمدەۋىنشە، 50-دەن استام كازاكتار قاتىسقان. ولاردىڭ الدىنا شىعىپ سويلەگەندەردىڭ قاتارىندا قازاقستان حالقى اسسامبلەياسىنىڭ بەلدى مۇشەلەرى, قازاقستاننىڭ ورىس قاۋىمىنىڭ باسشىسى يۋري بۋناكوۆ، قازاقستانداعى كازاك ۇيىمدارىنىڭ جەتەكشىسى يۋري زاحاروۆ سىندى اتىشۋلى پەرسوناجدار بار.
ميتينگىگە شىققاندار قولدارىنا ون قايناسا دا قازاقستانمەن سورپاسى قوسىلمايتىن شوۆينيستىك تۇرعىداعى پلاكاتتاردى ۇستاپ، وزدەرىنىڭ رەسەيدى قولدايتىندىقتارىن، قاشاندا رەسەيمەن بىرگە بولاتىندىقتارىن، رەسەي بيلىگىنىڭ ءوزى ات-تونىن الا قاشقان ميتينگىگە قاتىسۋشىلاردىڭ تالاپتارىن قولدايتىندىقتارىن اشىقتان-اشىق ءمالىم ەتتى.
قازاقستان رەسپۋبليكاسى
باس پروكۋراتۋراسىنىڭ نازارىنا!
وتكەن جەكسەنبىدە ماسكەۋدىڭ ورتالىعىندا رەسەي بيلىگى رۇقسات بەرگەن «رۋسسكي مارش» اتتى ميتينگ ءوتتى. وعان سول ەلدىڭ بارلىق يمپەرشىل، شوۆينيستىك كۇشتەرى جينالىپ، «روسسيا دليا رۋسسكيح» دەگەن ۇراندارىن سان رەت قايتالادى. بۇل رەسەيدە، بوتەن مەملەكەتتە.
ەسەسىنە، ءدال سول كۇنى الماتىدا قازاقستان كازاكتارىنىڭ وداعى ۇيىمىنىڭ باستاۋىمەن «ۆ چەست پرازدنيكا ەدينەنيا رۋسسكوگو نارودا ي ۆ پوددەرجكۋ ماسسوۆىح شەستۆي ۆ موسكۆە ي درۋگيح گوروداح روسسي - «رۋسسكي مارش» دەگەن جەلەۋمەن رۇقسات ەتىلمەگەن ميتينگ وتكىزىلدى. زاڭسىز ميتينگىگە ۇيىمداستىرۋشىلاردىڭ مالىمدەۋىنشە، 50-دەن استام كازاكتار قاتىسقان. ولاردىڭ الدىنا شىعىپ سويلەگەندەردىڭ قاتارىندا قازاقستان حالقى اسسامبلەياسىنىڭ بەلدى مۇشەلەرى, قازاقستاننىڭ ورىس قاۋىمىنىڭ باسشىسى يۋري بۋناكوۆ، قازاقستانداعى كازاك ۇيىمدارىنىڭ جەتەكشىسى يۋري زاحاروۆ سىندى اتىشۋلى پەرسوناجدار بار.
ميتينگىگە شىققاندار قولدارىنا ون قايناسا دا قازاقستانمەن سورپاسى قوسىلمايتىن شوۆينيستىك تۇرعىداعى پلاكاتتاردى ۇستاپ، وزدەرىنىڭ رەسەيدى قولدايتىندىقتارىن، قاشاندا رەسەيمەن بىرگە بولاتىندىقتارىن، رەسەي بيلىگىنىڭ ءوزى ات-تونىن الا قاشقان ميتينگىگە قاتىسۋشىلاردىڭ تالاپتارىن قولدايتىندىقتارىن اشىقتان-اشىق ءمالىم ەتتى.
ءبىزدىڭ ويىمىزشا كازاكتار وتكىزگەن ميتينگ - ولاردىڭ قازاق مەملەكەتىن، قازاق قوعامىن مويىندامايتىندىقتارىنىڭ ايقىن بەلگىسى. بۇل ميتينگىنىڭ ارتىندا رەسەي بيلىگى مەن ەلشىلىگى تۇرۋى عاجاپ ەمەس. مۇنداي ميتينگىلەر ارقىلى ورىس-كازاك بەلسەندىلەرى ەلىمىزدىڭ بيلىگىنە قىسىم جاساپ جاتىر. ماقساتى بىرەۋ - سوڭعى كەزدەرى ەلىمىزدە كەدەندىك جانە ەۋرازيالىق وداق سياقتى يمپەرلىك استارى بار جوبالارعا قارسى قوعام تاراپىنان دا، بيلىكتىڭ كەيبىر ورگاندارى تاراپىنان دا ايتىلىپ جاتقان سىندارعا قارسى نارازىلىعىن تانىتۋ.
وسىعان وراي قازاقستان رەسپۋبليكاسىنىڭ باس پروكۋراتۋراسىنا مىناداي سۇراقتاردى رەسمي تۇردە جولداعىمىز كەلەدى:
1. «ۆەرنىيداعى كازاك ۋپراۆاسى عيماراتىندا» وتكىزىلگەن شارا قازاقستان رەسپۋبليكاسىنىڭ ميتينگىلەر جانە دە باسقا بەيبىت جيىنداردى وتكىزۋ تۋرالى زاڭناماسىنا ساي كەلە مە؟ سول ميتينگىنى وتكىزۋگە بيلىك ورگاندارى تاراپىنان رەسمي رۇقسات بەرىلدى مە؟ مۇنداي رۇقسات ەتىلمەگەن ميتينگىنى وتكىزۋ ەلىمىزدىڭ زاڭناماسىنا ساي ما؟ ەگەر زاڭسىز بولسا، ولارعا شارا قولدانىلا ما؟ مىسالى، بۇگىن بىزدەر قازاق ءتىلىنىڭ مۇددەسى، كەدەندىك وداققا قارسىمىز دەپ زاڭسىز ميتينگ وتكىزسەك سوتتالاتىنىمىز ايدان انىق. سوندا كازاكتار قازاقتارعا قاراعاندا ايرىقشا سورتتى ادام بولعانى ما؟ ولارعا نەگە زاڭدا كورسەتىلگەن نورمالار مەن تالاپتار قولدانىلمايدى؟
2. قازاقستاننىڭ كونستيتۋتسياسى مەن باسقا دا زاڭدىق اكتىلەرىنە ساي ەلىمىزدە رۇقسات ەتىلمەگەن اسكەري ۇيىمدار مەن كۇشتىك قۇرىلىمداردى قۇرۋعا تىيىم سالىنعان. ساياسي ۇيىمداردىڭ شەتەلدەن قارجىلاندىرىلۋىنا دا تىيىم بار. ولاي بولاتىن بولسا، كازاكتاردىڭ بوتەن ەلدىڭ اسكەري كيىمىن كيىپ، ءبىر ەمەس، بىرنەشە ۇيىم قۇرۋىنا قانداي نەگىز بار؟ ەلىمىزدە ونداعان ەتنو-مادەني ۇيىمدار تىركەلگەن. ولاردىڭ ءبىرازىنىڭ باياندى اسكەري تاريحى بار. اسكەري ونەر مەن باتىلدىق جونىنەن قازاقتار دا ەشكىمنەن كەندە ەمەس. وندا تەك وسى كازاكتاردىڭ عانا اسكەري فورما كيىپ، ەل زاڭدارىن بۇزىپ، قازاقتىڭ قىتىعىنا ءتيىپ، تايراڭداپ جۇرۋىنە نە سەبەپ؟
3. جوعارىدا اتالعان پەرسوناجدار ەلىمىزدىڭ بيلىگى مويىنداعان، قازاقستان حالقى اسسامبلەياسى، كىشى اسسامبلەيالار سياقتى كونستيتۋتسيالىق ورگاندارىنىڭ مۇشەلەرى. بارلىعى دا قازاقستان رەسپۋبليكاسىنىڭ ازاماتتارى. ونىسى راس بولسا، ولار نەگە بوتەن ەلدىڭ ءسوزىن سويلەپ، بوتەن ەلدىڭ ەكسترەميستىك-شوۆينيستىك ۇراندارىن قازاقستاندا تاراتىپ ءجۇر. سول بۋناكوۆتار، زاحاروۆتار اسسامبلەيانىڭ «قازاقستانداعى تاتۋلىقتى قولدايمىز، ەلىمىزدە تىنىشتىق كەرەك» دەگەن سان جۇزدەگەن مالىمدەمەلەرىنە، باسقا دا قۇجاتتارىنا قول قويعاندار. الدە اسسامبلەيانىڭ ايتىپ وتىرعاندارى تەك قازاققا عانا قاتىستى ما؟ ەگەر اسسامبلەيا مۇشەلەرى وسى ۇيىمنىڭ تىرشىلىگى مەن ۇستانىمدارىنا قارسى ساياسات ۇستاناتىن بولسا ولاردىڭ مۇشەلىگى نەگە توقتاتىلمايدى؟ رەسمي بيلىك ولارمەن نەگە اۋىز جالاسىپ، ويىنا كەلگەندەرىن جاساۋعا مۇمكىندىك بەرەدى؟
ەلىمىزدىڭ ءباسپاسوز تۋرالى زاڭناماسىنا ساي، باس پروكۋراتۋرا ءبىزدىڭ بۇل ساۋالىمىزعا ءتيىستى مەرزىمدە جاۋاپ بەرەدى دەپ سەنەمىز.
«Abai.kz»
دەرەك كوزى - http://rmarsh.info/news14/miting-v-podderzhku-russkogo-marsha-v-kazaxstane.html
