لاتۆيادا ەلەكتروندى باق جونىندەگى ۇلتتىق كەڭەس رەسەيدىڭ 80 تەلەارناسىنىڭ كورسەتىلۋىنە تىيىم سالدى. بۇل تۋرالى Delfi.lt حابارلادى.

بۇل شەشىم 9 ماۋسىمنان باستاپ كۇشىنە ەنەدى. ول رەسەي ۋكرايناداعى سوعىستى توقتاتىپ، قىرىمدى قايتارىپ بەرگەنگە دەيىن سوزىلا بەرەدى.

لاتۆيانىڭ زاڭناما نورمالارىنىڭ بىرىنە سايكەس، باسقا مەملەكەتتىڭ تەرريتوريالىق تۇتاستىعىنا قاۋىپ توندىرەتىن ەلدىڭ باعدارلامالارى جۇمىس ىستەي المايتىن بولىپ شەشىلدى.

لاتۆيا رەسەيدىڭ «كينو24»، «ميرتۆ»، «وحوتا ي رىبالكا»، «پەرەتس» پەن باسقا دا ساياساتقا قاتىسى جوق ارنالاردىڭ كورسەتىلۋىنە تىيىم سالدى.

وسىعان دەيىن بالتىق تەڭىزى جاعالاۋى ەلىندە ەۋروپا وداعى رف-عا قارسى سانكتسيالاردىڭ التىنشى پاكەتى شەڭبەرىندە رەسەيدىڭ Rossiya24, TV center International, RTR Planeta (كابەلدى، سپۋتنيكتى، ينتەرنەت-ترانسلياتسيالى) ارنالارى جەلىدەن اجىراتىلىپ تاستالاتىنى حابارلانعان بولاتىن.

Abai.kz