ايەلدەردىڭ بوسانۋىن جەڭىلدەتەتىن توسەك جوباسىن جاساعان استانالىق مارات سۇلەيمەنوۆ رەسپۋبليكالىق يننوۆاتسيالىق بيزنەس جوسپارلار NIF$50K بايقاۋىنىڭ جەڭىمپازى اتانىپ، 7,5 ملن تەڭگە كولەمىندەگى قارجىلاي سىيلىققا يە بولدى. بۇل تۋرالى كەشە رەسپۋبليكالىق يننوۆاتسيالىق بيزنەس جوسپارلار NIF$50K جانە رەسپۋبليكالىق راتسيوناليزاتورلىق ۇسىنىستار بايقاۋىنىڭ قورىتىندىسىن شىعارۋ كەزىندە ءمالىم بولدى.

ايەلدەردىڭ بوسانۋىن جەڭىلدەتەتىن توسەك جوباسىن جاساعان استانالىق مارات سۇلەيمەنوۆ رەسپۋبليكالىق يننوۆاتسيالىق بيزنەس جوسپارلار NIF$50K بايقاۋىنىڭ جەڭىمپازى اتانىپ، 7,5 ملن تەڭگە كولەمىندەگى قارجىلاي سىيلىققا يە بولدى. بۇل تۋرالى كەشە رەسپۋبليكالىق يننوۆاتسيالىق بيزنەس جوسپارلار NIF$50K جانە رەسپۋبليكالىق راتسيوناليزاتورلىق ۇسىنىستار بايقاۋىنىڭ قورىتىندىسىن شىعارۋ كەزىندە ءمالىم بولدى.

يندۋستريا جانە جاڭا تەحنولوگيالار مينيسترلىگىنىڭ قولداۋىمەن تەحنولو­گيالىق دامۋ جونىندەگى ۇلتتىق اگەنتتىگى ۇيىمداستىرعان قوس بايقاۋعا قاتىسۋ­شىلار كوپ بولىپتى. اتالعان اگەنتتىكتىڭ باسقارما توراعاسىنىڭ ورىنباسارى انۋاربەك سۇلتانعازيننىڭ ايتۋىنشا، NIF$50K بايقاۋى ەلىمىزدە العاش رەت 2005 جىلى وتكىزىلدى. ونداعى ماقسات - ەلىمىزدەگى يننوۆاتسيالىق كاسىپكەرلىكتى ناسيحاتتاۋ جانە حالىقتىڭ يننوۆاتسيالىق بەلسەندىلىگىن ارتتىرۋ بولاتىن. ول ماقسات بۇگىندە ورىندالىپ كەلەدى دەۋگە نەگىز بار. بۇعان بيىلعى بايقاۋعا 281 جوبانىڭ كەلىپ تۇسكەنى دالەل. بۇل وتكەن جىلمەن سالىستىرعاندا 1,5 ەسەگە كوپ ەكەن. «ەلى­مىزدىڭ بارلىق وڭىرىنەن كەلگەن جوبا­لار­دىڭ اراسىندا ۇزدىك دەگەن 25 جوبا ىرىك­تەلىپ الىندى. مىنە، وسى 25 جوبانىڭ اۆتور­لارى «حابار» ارناسىنداعى «ين­نوۆاتسيالىق فورساج» اتاۋىمەن رەاليتي-شوۋ فورماتىندا باعدارلاما مەن «قا­زاقستان» ارناسىندا كورسەتىلگەن «راتسيوناليزاتور.kz» باعدارلاماسىنىڭ كەيىپكەرى اتاندى» دەيدى ول. ايتا كەتەيىك، تاڭدالىپ الىنعان جوبالاردىڭ باسىم بولىگى مەديتسينا، ەنەرگەتيكا جانە ءوندىرىس سالالارىن قامتيدى ەكەن.
سونىڭ ىشىندە مەديتسينا سالاسى بويىن­شا جاسالعان يننوۆاتسيالىق ۇسى­نىس توپ جارىپ وتىر. جوبا اۆتورى مارات سۇلەيمەنوۆ ەجەلدەن بەرى قازاق حالقى ايەلدى تىكەسىنەن تىك تۇرعىزىپ نەمەسە جۇرەسىنەن وتىرعىزىپ بوساندىرعانىن ەسكە سالدى. «سوڭعى جىلدارى بۇل ۇدەرىس زاماناۋي پەرزەنتحانالارعا دا ەنگىزىلدى. ال اتالعان توسەك بوسانۋشى ايەلدىڭ قالاۋىنا ساي تىك تۇرىپ بوسانۋعا نەمەسە ءتورت اياقتاپ تۇرىپ بوسانۋعا مۇمكىندىك بەرەدى. مەنىڭ تۋىندىمنىڭ وزىندىك قۇنى ەۋرو ەلدەرىندەگى بالامالارىنان 30 پايىزعا ارزان» دەيدى اكۋشەر-گينەكولوگ م.سۇلەيمەنوۆ.
ماراتتان كەيىن اتى وزعان كوكشەتاۋ قالاسىنىڭ تۇرعىنى ساعات مۇحامەدين ەكىنشى ورىن مەن 2,5 ملن تەڭگە جۇلدەگە يە بولدى. ول وندىرىستىك جىلۋ الماستىرۋ قۇبىرلارىن قاتتى قالدىقتاردان تازارتۋ تەحنولوگياسىن ۇسىندى. جوبانىڭ جاڭالىعى سول، جىلۋ الماستىرۋ قۇ­بىر­لارىن تازارتۋدا ەلەكتروگيدراۆليكالىق اسەر قولدانىلادى. يدەيا جىلۋ ەنەر­گەتيكاسىمەن قاتار، تاماق جانە حيميا ونەركاسىبى سالاسىنا دا پايدالى بولماق.
ءۇشىنشى ورىن مەن 1 ملن تەڭگەگە «ورتا جانە تومەنگى جاستاعى بالالارعا ارنالعان مۋلتيمەديالىق ءبىلىم بەرۋ جۇيەسى» جو­باسىن ۇسىنعان ءادىل نىسانوۆ پەن سابىر­عا مۇحامبەتوۆ يە بولدى. ولاردىڭ جوبا­سىنىڭ مۇمكىندىگى شەكتەۋلى بالالار ءۇشىن تيىمدىلىگى زور دەيدى بايقاۋ قا­زىلارى.
ال رەسپۋبليكالىق راتسيونالي­زاتور­لىق ۇسىنىستار بايقاۋىنىڭ بيىلعى جەڭىمپازى - جەتىسايلىق يبادۋللا ءۇم­بەتاەۆ پەن ورازبەك بيعاراەۆتار بولدى. ولار «توپىراقتى 55-65 سم-گە دەيىن تەرەڭ قوپسىتۋ ءادىسى» جوباسىن ۇسىنىپ، «جىلدىڭ ۇزدىك راتسيوناليزاتورلىق شەشىمى» اتالىمىندا توپ جاردى. 1,5 ملن تەڭگە كولەمىندەگى قارجىلاي سىيلىق قانجىعالارىنا بايلاندى. بۇل شەشىم بۇگىننىڭ وزىندە وڭ ناتيجە بەرىپ، ماقتا ءونىمىن 2 ەسەگە ارتتىرىپتى. وعان قوسا، شارۋالار توپىراق وڭدەۋدە دە ۇنەمدەۋگە قول جەتكىزۋگە بولادى دەپ وتىر. ماسەلەن، ەگەر بۇرىنىراق سەبۋ جۇمىستارىنان الدىن توپىراقتىڭ ءار گەكتارىن وڭدەۋگە 18 مىڭ تەڭگە جۇمسالسا، جاڭا تەحنولو­گيا­نى قولدانۋ شىعىن كولەمىن 12-13 مىڭ تەڭگەگە ازايتۋعا مۇمكىندىك بەرەدى ەكەن. ولار ۇسىنعان يننوۆاتسيالىق ءادىس ماقتا ەگۋشى ايماقتارعا ءتان توپىراقتىڭ سورلانۋ ماسەلەسىن دە شەشەتىن كورىنەدى. «ءبىز بۇگىندەرى ماقتا شارۋاشىلىعىندا وسىدان 40-50 جىلعى بۇرىنعى ەسكى تەح­نولوگيالاردى پايدالانىپ كەلەمىز. سونى جاڭارتۋ ماقساتىندا، ەڭ الدىمەن جەردى تەرەڭ قوپسىتۋ ارقىلى ماقتانىڭ ءونىمىن كوتەرۋدى قولعا الدىق. سوڭعى 2 جىلدىڭ ىشىندە ناتيجەسىن بەردى» دەيدى يبادۋللا ۇمبەتاەۆ.
بۇل بايقاۋدىڭ ەكىنشى جانە ءۇشىنشى ورىندارىن «اتىراۋ مۇناي وڭدەۋ زاۋىتى» جشس قىزمەتكەرى ايگۇل ايتبايقىزى مەن «KSPstell» جشس پاۆلودار في­ليالىنىڭ ديرەكتورى ۆاديم ساۆيتسكي مەن ءبولىستى. ولارعا سايكەسىنشە 1 ملن جانە 750 مىڭ تەڭگە كولەمىندە سىياقى تابىس ەتىلدى.
ال «كاسىپورىنداعى راتسيوناليزا­تور­لىق قولداۋدىڭ ۇزدىك جۇيەسى» اتالىمىندا «قازاقستان تەمىر جولى» ۇلتتىق كومپا­نياسى جەڭىمپاز اتاندى. كومپانيا ءوت­كەن جىلى ەكونوميكالىق تيىمدىلىگى 850 ملن تەڭگە كولەمىندەگى 1443 راتسيو­نالي­زاتورلىق ۇسىنىستى ەنىزگەن.

"اباي-اقپارات"