جۇما, 7 قازان 2022
بيلىك 976 0 پىكىر 13 ماۋسىم, 2022 ساعات 13:55

الماتى اكادەمياسى العاشقى كيبەرقاۋىپسىزدىك ماماندارىنا ديپلوم تابىستادى

قازاقستان رەسپۋبليكاسى ءىىم ماقان ەسبولاتوۆ اتىنداعى الماتى اكادەمياسىندا وسى وقۋ ورنىن ءبىتىرىپ، قوعام قاۋىپسىزدىگى گوت ءۇشىن كۇرەستە  قازا تاپقان 32 پوليتسيا قىزمەتكەرىنە ارنالعان ەسكەرتكىش-مونۋمەنتتىڭ سالتاناتتى اشىلۋى مەن اكادەميانىڭ كاسىبي دايىندىق فاكۋلتەتىنىڭ 2022 جىلعى ءبىتىرۋشى تۇلەكتەرىنە العاشقى پوليتسيا لەيتەنانتى ارناۋلى اتاعى مەن ديپلوم تاپسىرۋ ءراسىمى ءوتتى.

سالتاناتتى ءىس-شاراعا قازاقستان رەسپۋبليكاسى ىشكى ىستەر ءمينيسترىنىڭ ورىنباسارى  پوليتسيا گەنەرال-مايورى ەرجان سادەنوۆ، اكادەميا ارداگەرلەر كەڭەسىنىڭ توراعاسى گەنەرال-مايور تالاپ قابدەنوۆ، "گەنەرالدار كەڭەسى" رقق  توراعاسىنىڭ ءبىرىنشى ورىنباسارى گەنەرال-لەيتەنانت بەكسۇلتان سارسەكوۆ، گەنەرال-مايور مولديار ورازاليەۆ، گەنەرال-مايور ماراتقالي نۇكەنوۆ، گەنەرال-مايور جان كەنجەتاەۆ، وتستاۆكاداعى پوليتسيا پولكوۆنيگى  داۋلەت قۇسايىنوۆ، قر ءىىم قوعامدىق كەڭەسىنىڭ توراعاسى راحيم وشاقباەۆ  جانە اكادەميانى بىتىرۋشىلەردىڭ اتا-انالارى مەن قىزمەت بابىندا قازا تاپقان قىزمەتكەرلەردىڭ تۋىستارى قاتىستى.

سالتاناتتى ءىس-شارانىڭ كەلەسى كەزەڭىندە م.ەسبولاتوۆ اتىنداعى الماتى اكادەمياسىن  ءبىتىرۋشى تۇلەكتەرگە  ديپلومدى ىشكى ىستەر ءمينيسترىنىڭ ورىنباسارى  پوليتسيا گەنەرال-مايورى ەرجان سادەنوۆ پەن الماتى اكادەمياسىنىڭ باستىعى پوليتسيا پولكوۆنيگى ايدار سايتبەكوۆ تابىستادى.

الماتى اكادەمياسىن بيىل 276  كۋرسانت ءبىتىرىپ شىعادى، ونىڭ ىشىندە 13 كۋرسانت قىزىل ديپلوم يەگەرى.

234  كۋرسانت  – جەدەل ىزدەستىرۋ ءبىلىم بەرۋ باعدارلاماسىن،  42 كۋرسانت  – اقپاراتتتىق جۇيەلەر  مەن راديوتەحنيكا، ەلەكترونيكا جانە تەلەكوممۋنيكاتسيا  بويىنشا  ءبىلىم بەرۋ باعدارلاماسىن اياقتادى.

ەرەكشە ايتا كەتەتىن جايت – بۇگىنگى تاڭداعى سۇرانىسقا يە زاماناۋي ماماندار دايارلايتىن   الماتى اكادەمياسى بيىل العاش رەت  IT ماماندار دايارلاپ شىعاردى. كيبەر قىلمىستاردى اشۋعا ماماندانعان IT مامانداردىڭ ەكەۋى  قر ءىىم ورتالىق اپپاراتىندا قىزمەت اتقارۋعا جولداما الدى.

ءبىتىرۋشى تۇلەكتەردى سالتاناتتى تۇردە قۇتتىقتاعان ەرجان سادەنوۆ، تالاپ قابدەنوۆ جانە راحيم وشاقباەۆ ولارعا ەل تىنىشتىعىن كۇزەتۋدە ابىرويلى ەڭبەك ەتۋ ءۇشىن ءسات-ساپار تىلەدى. اكادەميا تۇلەكتەرى اتىنان ءسوز العان پوليتسيا لەيتەنانتى نۇرداۋلەت تويلىباي  ىشكى ىستەر ورگاندارىندا قىزمەت اتقارۋ بارىسىندا  وتان الدىنداعى انتقا ادال بولىپ، جاڭا  قازاقستاننىڭ جارقىن بولاشاعى ءۇشىن ايانباي ەڭبەك ەتەتىندەرىنە سەنىم ءبىلدىردى.

سالتاناتتى جيىن كەزىندە كۋرسانتتار مەن قوناقتار قازا تاپقان تۇلەكتەردىڭ ەسكەرتكىشىنە گۇل شوقتارىن قويىپ، اۆتوماتتان وق اتىپ قۇرمەت كورسەتتى جانە ءبىر مينۋت ۇنسىزدىك جاريالاپ قوعام تىنىشتىعى ءۇشىن قۇربان بولعان ارىپتەستەرىن ەسكە ءتۇسىردى.

Abai.kz

0 پىكىر