بەيسەنبى, 18 تامىز 2022
2312 4 پىكىر 22 ماۋسىم, 2022 ساعات 14:47

قازاقستاننىڭ تۇبىنە جەتكەن جوبالار...

قازاقستاننىڭ تۇبىنە جەتكەن جوبالار جايلى dalainside تەلەگرام ارناسى جازىپتى. 

1. LRT.

قازاقستانداعى كوررۋپتسيانىڭ سيمۆولى. تىكەلەي شىعىن - 1,6 ملرد دوللار. ەندى، 2023-2024 جىلدارى بيۋدجەتتەن لرت قارىزىن جابۋ ءۇشىن 248 ميلليارد تەڭگە الىنادى. ول ءار ازاماتتىڭ، وتباسىنىڭ اۋزىنان جىرىلىپ الىنادى. ەگەر ءسىز 100 تەڭگە تاپساڭىز، سونىڭ 2 تەڭگەسىن لرت قارىزىنا بەرەسىز دەگەن ءسوز. لرت-نىڭ استانا بانكىندە جاتقان اقشاسىن كىمنىڭ ۇرلاعانىن مەملەكەت ءالى كۇنگە دەيىن انىقتاي الماي وتىر. بۇل ءبىزدىڭ تاريحىنداعى اقتاڭداقتىڭ ءبىرى. ونى انىقتاۋعا قۇزىرلى ورگانداردىڭ قۇلىقسىز ەكەنىنە قاراعاندا ىستە ءبىرىنشى پرەزيدەنت وتباسىنىڭ قاتىسى بار ەكەنى انىق.

2. Astana EXPO-2017

ارادا 5 جىل وتكەننەن كەيىن ەكسپونىڭ قازاقستانعا ەشقانداي جاڭا تەحنولوگيا، ينۆەستيتسيا اكەلمەگەنىن كورىپ وتىرمىز. وعان دەيىن شەنەۋىكتەردىڭ "مۋلتيپليكاتيۆتى ەففەكت" تۋرالى اڭگىمەسى، ۋادەسى جالعان بولىپ شىقتى. ءبىر سوزبەن ايتقاندا، ەكسپونى ۇيىمداستىرعاندار بۇكىل قازاقستان حالقىن الداپ كەتتى. قۇرىلىس پەن ۇيىمداستىرۋعا كەتكەن تىكەلەي شىعىن - 1,3 ميلليارد دوللار! جانە ەكسپو جىل سايىن ونداعى عيماراتتاردى ۇستاپ تۇرۋ ءۇشىن 18 ميلليارد تەڭگە شىعىن اكەلىپ وتىر. وعان قوسا، تۇك بىتىرمەي، ءجاي زاۆحوزدىڭ رولىندە وتىرعان "QazExpoCongress" ۇلتتىق كومپانياسىن ۇمىتپاڭىز. ولاردىڭ ديرەكتورلار كەڭەسى، باسقارما مۇشەلەرى، ۋپرديرلەرى، دەپارتامەنت باسشىلارىنا تولەنەتىن ايلىق پەن بونۋستاردى ۇمىتپاڭىز. سوندا جاڭاعى 1,3 ميلليارد دوللاردان بولەك، ەكسپو وتكەننەن كەيىنگى 5 جىلدا شامامەن 100 ميلليارد تەڭگە شىعىنعا باتتىق. ال بيىل تاعى 18 ميلليارد تەڭگە تولەيمىز.

3. ازيادا

شىعىن - 1,65 ميلليارد دوللار. كىرىس - ناقتى ەسەپتەلىنبەدى. الماتىداعى الماتى ارەنا مەن حالىق ارەنانى ۇستاپ تۇرۋعا جىلىنا 1 ميلليارد تەڭگە جۇمسالادى.

4. فير، 30 كورپوراتيۆتى ليدەرلەر، ۇلتتىق چەمپيوندار، تب.

اقشا سورۋ ءۇشىن ويلاپ تابىلعان كوررۋپتسيوندى كۆازيباعدارلامالار. وسىنىڭ ىشىندە كۇلكىگە قالعان - ۇشاق، پلانشەت، اينەك، كارتون جاسايتىن ءتۇرلى زاۋىتتار مەن جوبالار بار. ەشقايسىسى جۇمىس ىستەپ كەتە المادى. شىعىن 2 ميلليارد دوللاردان اسادى. قانشاما ۋاقىت بەكەر كەتتى.

Abai.kz

4 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2759
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2129
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2893